НАЙРАНГБОЗЛИКНИ ТЎХТАТИНГ! Бу хабарни жўнатинг ва бахтли бў | Zebiniso Ahmedova — psixolog blogi
НАЙРАНГБОЗЛИКНИ ТЎХТАТИНГ!
Бу хабарни жўнатинг ва бахтли бўлинг ёхуд бугуннинг найрангбозликлари.
Охирги пайтда “...бу хабарни 10 та ёки 20 та одамга жўнатсангиз бир неча кундан кейин бахтингиз очилади, яшашингиз яхшиланади, ялқовлик қилманг, буни хазил билманг, Аллох учун бу хатни тарқатинг “ каби хабарларнинг кети узилмай қолди. Бу хабарларни ким жўнатади ва бунинг замирида нима ётади? Психологик нуқтаи назардан бу кимгадир нима учун керак. Шу каби смслар ёзилиб, шакллантирилиб, ичига хар хил бузиб ёзилган хадис, мақол, фактсиз воқеаларни ёлғон асос қилиб инсонларнинг онгини заҳарлашади.
Инсонлар ота-онасидан мерос бўлиб келаётган қадриятларга эмас, шу хабарни жўнатиб қилган “хайрли” ишининг мукофотини кутиб яшайди гўё. Бу оддий мактуб эмас, бу хабарларнинг замирида ғоявий таъсир ўтказиш мақсади ётади. Онги заиф, диний илми йўқ рухият эгалари оллохни таниш шу экан деб, “оллохга хизмат қилувчи” инсонга айланиш учун шу смсни кимларгадир жўната бошлашади.
Аввало, сизнинг фарзандингиздан телеграмм орқали диний мавзуни ёритган смс олган бўлсангиз, билингки, фарзандингиз бу мавзудаги сахих билимларни сиздан билиб олиши ишончлироқ. Агар, фарзандингиз бу каби смсларни жўнатмоқдами, демак, болангизнинг рухияти мустақил фикрлай олмаяпти. Мустақил фикрлай олмаган рухият соҳиби шу смслардаги маноъга ўз муносабатини билдира олмайди.
Хурматли ота-оналар бу каби мустақил фикри йўқ ўғил-қизидан қўрқиши керакми? Қўрқиш керак эмас, аммо, бу нарсани факт сифатида қабул қилиб, болангизнинг ўз фикри бирор билим асосига қурилиши кераклигини тушуниб, унга ўз билганларингизни ёритиб беринг. Агар ўспирин қиз ёки йигит ўз ўртоқларига бу каби смслар жўнатаётган бўлса, унинг илмоғига илинманг.
Ўз қадриятларингиз ва ишончли билимларингиз сизга йўриқчи эканлигига ишонинг. Ҳар бир йўлингизда йўлчироқ бўлиши лозим. Бу йўлчироқнинг номи илмдир. Фақат ва фақат илмга асосланган мустақил фикр юрита олиш сизни ҳаётда ўз ўрнингизни топишингизга куч беради. Битта смс жўнатиш билан мақсадга эришмоқси бўлган ва мехнатсиз, илмсиз мўжиза инсониятни таназзулга олиб кирган бўларди, буни тўғри тушунинг.
Сизнинг қанчалик бировнинг йўлига юра олишингизни ва мустақил қарорсиз одам эканлигингизни аниқлайдиган тест деса ҳам бўлаверади. Хурматли ота-она, ака-опа ва ўғил-қизларимиз! Сизларнинг мехнатингиз, илмингиз бу ҳаётда буюк инсон бўлишингиз учун кучингиздир.
Сизнинг дунёвий илмларингиз ва диний илмларингизни фақат ишончли манбаалардан ўқиш кераклигини, хар бир оллох номи қўшилиб ёзилаётган манбаъсиз матнларни ўзингизга илм сифатида қабул қилмаслигингиз керак. Боболаримиз Ал Бухорийни ер куррасининг ислом олами танийди. Фақат сахих билимлар сизга ошно бўлсин. Фақат мехнат ва илм сизнинг йўлчироғингиз бўлсин.
Зебинисо Аҳмедова
Психологдан Консультация олиш учун, Ваҳима, қўрқув, ёпишқоқ фикр, хавотир ва невротик депрессияларда бизга мурожаат қилинг!
Тел: +998908055580
Тел: +998909444612
Расмий каналга
уланиш:
» @ZebinisoPsixolog
