Ажримдан кейин бола ва яқин қариндошларнинг бир-бири билан кўр | Yuridik maslaxatlar rasmiy

Ажримдан кейин бола ва яқин қариндошларнинг бир-бири билан кўришиб туриш ҳуқуқи.

САВОЛ;
Ўғлим келиним билан ажрашди, келиним бизларга набирамизни кўришга қаршилик килмокда, нима килсак бўлади. Келинимизнинг бунга ҳаққи борми ?

ЖАВОБ; Оила кодексига кўра, бобо, буви, ака-ука, опа-сингил ва бошқа яқин қариндошлар бола билан кўришиб туриш ҳуқуқига эга. Ота-она (улардан бири) яқин қариндошларнинг бола билан кўришишига имконият бермасалар, васийлик ва ҳомийлик органи уларга имконият бериши мумкин. Шунингдек, бола билан кўришиб туриш вақтини белгилаш ва тўсқинлик қилмаслик мажбуриятини юклаш юзасидан судга даъво ариза билан мурожаат қилиш мумкин. Суд боланинг манфаатларини ва боланинг фикрини ҳисобга олган ҳолда низони ҳал қилади.

Қисқаси келинингиз болани сизларга кўрсатмасликка ҳақли эмас. Агар амалиётда сиз айтгандек муаммо бўлаётган бўлса судга ариза бериб масалани ижобий хал этиш мумкин.

Каналга уланиш
https://t.me/Yuridik_maslaxatlar