2022-08-31 22:10:50
"Sen kuzni sevasan"
Sen kuzni sevasan, men esa seni,
Sevaman sen kuzni sevgandan ortiq.
Har kuning shu kuzga bag'ishlaysan-u,
Menga bir tabassum qilmaysan tortiq.
Kuzni sog'inasan, men esa seni,
Sezmaysan, yo atay parvo qilmaysan.
Sezsang men tomonga solarding qadam.
Yoki sog'inishni rostdan bilmaysan.
Sen kuzni kutasan, men esa seni,
Yo'ling kutaverib sarg'aydi-ku yuz.
Balki, ko'zlarimga aylarsan rahm,
Yoki kelmaysanmi kelmaguncha kuz?
Kuzga xat yozasan, men esa senga,
Menimcha xatlarning mazmuni o'xshash.
Manzili tomonga ketar chog'ida,
Qaniydi shu xatlar kelsaydi to'qnash.
Sen kuzni sevasan, men esa seni.
Sen kuzni kutasan, men esa seni.
Abduvoris Alijonov
120 views19:10
Y
