Suyunov she'rlari

2022-12-30 01:03:32 СЕН КЕЛГУНЧА...

Сен келгунча юрагимни ютиб тураман,
Кўзим юмиб кўзёшимни тутиб тураман.
Алдаб-сулдаб чалғитаман ўзимни ўзим,
Сен келгунча яшамайман, кутиб тураман.

Иқбол Мирзо
https://t.me/Adabiyot_olami Ochish/sharhlash

2022-12-30 01:02:10 Жудаям мағрурсиз...
Қайданам севдим.
Манзилингиз осмон, масофа анча,
Ерга тушаётган экансиз, сездим,
Мен кетиб бўламан келгунингизча...

Башорат Отажонова https://t.me/Adabiyot_olami Ochish/sharhlash

2022-12-30 00:57:30 * * *

Битта шоир камайса нима,
Чарх яратар бошқа нусхасин.
Чўкиб кетса тўфонда кема,
Пишиқроғин ясар устаси.

Тўфонлардан сесканма, қалбим,
Қайиқлардек сузма қирғоқлаб.
Кемаман деб уммонга талпин,
Юз балога ўзингни чоғлаб.

Қайиқларда — илинж ва хоҳиш,
Кемаларда — орзу ва мақсад.
Бугун сенда бир олам ташвиш,
Гал келганда ўзингни кўрсат.

Ё тилиб ўт довулнинг кўксин,
Ё кемадек ғарқ бўл иззатда.
Унутмагил — қайиқлар чўкса,
Олинмайди ҳатто рўйхатга.

Анвар Обиджон
https://t.me/Adabiyot_olami Ochish/sharhlash

2022-12-30 00:53:03 ЧИРОЙЛИСИЗ…

Чиройлисиз. Гўзалсиз. Мағрур.
Ташлайсиз гоҳ кўз қирингизни.
Талпинади юрак қурмағур,
Билсам дейди дил сирингизни.

Аммо сира бузмайсиз пинак,
Хотиржамсиз. Сокинсиз. Сипо.
Гўё йўқ сиз етмаган тилак,
Гўё сизда дунё бахти жо.

Ҳолбуки ҳар лаҳза бетиним
Қалбингизда отилар вулқон.
Гарчи қушдай юрсангиз-да жим,
Қонингизда ухлайди тўфон.

Бепарвосиз. Вазмин. Осуда.
Оққуш каби қиласиз пардоз.
Гўё беўй, беғамсиз жуда,
Гўё иссиқ ҳисларингиз оз.

Адашдимми ё кўнгил бериб?
Ўйлайверсам – юрагим оғрир.
Пойингизга тўкилдим эриб…
Чиройлисиз. Гўзалсиз. Мағрур.

Нодир Жонузоқ
https://t.me/Adabiyot_olami Ochish/sharhlash

2022-12-30 00:49:19 Бағри ёмон баттолларга бор,
Қахри ёмон қаттолларга бор;

Қон ялаган қассобларга бор,
Сўз ўйнаган каззобларга бор;

Иймонидан кечганларга бор,
Бор-йўғини ечганларга бор -

Нега менга келасан, эй дард,
Нега менга келасан, эй ғам!

Шавкат Раҳмон
https://t.me/Adabiyot_olami Ochish/sharhlash

2022-12-30 00:48:40 АРЗ

Нигоҳинг оташдир - нигоҳинг олов,
Кўнглингда, нелардир ҳамон яширин.
Туйғуга эрк бермоқ - азобдир ишқ ёв,
Дилингда ғам борми, ошкор эт сиринг.

Йўқ дейсан биламан: ғуруринг танҳо,
Мен ҳам сукутдаман - юраман лоқайд.
Бепарво қарасанг - қарагин аммо,
Шу жазо ҳукмига лойиқмидим, айт?!

Абдувоҳид Сувонов
https://t.me/Adabiyot_olami Ochish/sharhlash

2022-12-30 00:45:53 МУҲАББАТ

Муҳаббат – чиройли капалак,
Қўрқаман шўрликни тутгани.
Капалак қувганим ёдимда,
Ёдимда йўқ аммо етганим.

Юрагим ранжиган боладай,
На эрмак, таскинга кўнади.
Муҳаббат – чиройли капалак,
Ҳали ҳам гулларга қўнади.

Ортидан ҳаллослаб чопаман,
Хижолат бўламан, ғўрликдан.
Қанчалик югурмай барибир,
Орқада қолардим шўрликдан...

Шавкат Раҳмон
https://t.me/Adabiyot_olami Ochish/sharhlash

2022-12-28 16:53:21 Mana, men Lermontov yoshiga yetdim,
Bir shoir umrini yashadim chindan.
Qancha qogʻozlarning boshiga yetdim
Va lekin Lermontov chiqmadi mendan.

Doʻstlarim, ortiqcha kamtarlik nechun,
Kelajak oʻn yilni koʻrdim oldindan,
Bir kuni yetaman Pushkin yoshiga,
Oʻshanda Pushkin ham chiqmaydi mendan.

Erkin Vohidov

@Sohibjon_Saydullayev Ochish/sharhlash

2022-12-26 18:32:45 ШОИР СЕВГИСИ

Танимайман дейсиз,
Билмайман дейсиз.
Ёрижон, нозми бу,
Шўхликларингиз?..
Мени танир ҳатто,
Киприкларингиз,
Сиз эса шоирни
Севмайман дейсиз.

Кўриб-кўрмасликка
Олмоқлар осон.
Сизку кўрсангиз ҳам
Олмайсизу тан,
Мени таниб, ҳатто
Ҳар кун кўчамдан,
Сочингиз қўл силкиб
Ўтар ёрижон.

Биламан тахминан
Шундай ўйлайсиз:
Шоирлар - девона,
Тузалмайдилар.
Шоирнинг севгиси
Ўткинчи дейсиз,
Шоирлар одамдек
Севолмайдилар.

Ёна-ёна бир кун
Кўйингизда мен,
Адо бўладирғон
Қулга ўхшайман.
Энг гўзал шеъримни
Тўйингизда мен,
Пойингизга гулхан
Қилиб тўшайман.

Қўрқманг.
Янграр қўшиқ.
Тугамас ўйин.
Кўрганлар сиздан кўз
Узолмайдилар.
Шоирлар бузолмас
Бировнинг тўйин,
Бировнинг уйини
Бузолмайдилар...

Муҳаммад Юсуф
https://t.me/Adabiyot_olami Ochish/sharhlash

2022-12-26 18:30:04 СИЗ

Сиз мендан ҳеч нарса қилмайсиз талаб,
Мен сиздан ҳеч нарса сўрай олмайман.
Сиз кетма, демайсиз, мен эса… ё Раб,
Қолгим келса ҳамки…аммо, қолмайман.

Зотан, сиз севгига, ишққа ташнасиз,
Зотан, мен меҳрга муҳтожман, зорман.
Билмам: кимга дўстсиз, кимга ошнасиз,
Билмам: кимга ёрман, кимга даркорман.

Кунора кўраман, салом берасиз,
Ҳатто жилмаясиз — қиласиз карам.
Мен сизни соғина бошлаган кундан
Буён сизникиман, сизгаман қарам.

Бир шуъла кўраман кўзларингизда,
“Ким ёққан олов бу?” — хатарли сўроқ.
Бегона исм йўқ сўзларингизда,
Менинг исмимни ҳам айтмайсиз бироқ...

Воҳид Луқмон
https://t.me/Adabiyot_olami Ochish/sharhlash