Xorazm VXTB || Rasmiy kanali

2022-08-31 10:16:15 #zamonamiz_qahramonlari

“ЎҚУВЧИЛАРИМНИНГ БАРИНИ ЎЗ ФАРЗАНДИМДЕК ЯХШИ КЎРАМАН”

Урганч шаҳар 5-сонли мактабнинг бошланғич синф ўқитувчиси, “Халқ таълими аълочиси” кўкрак нишони соҳиби Баҳром Қурамбаев 30 йилдан ортиқ вақт мобайнида таълим соҳасида обрў-эътибор топиб меҳнат қилиб келмоқда.
- Таълим муассасамизда мингдан зиёд ўғил-қиз билим олади, - дейди Баҳром Қурамбаев, - уларнинг барини ўз фарзандимдек яхши кўраман. Ўқитувчилик касбига меҳрим баландлиги ҳам аслида шундан. Оиламизда отам, шунингдек, тадбиркор акамдан ташқари 7 нафаримиз ҳам умримизни шу касбга бахшида қилганмиз.
Ўқувчиларнинг етук шахс бўлиб камол топишида эркак муаллимларнинг роли беқиёс. Аммо ўтган даврлар мобайнида ойлик маошнинг камлиги сабаб мактабларда эркак ўқитувчилар камайиб кетганди. Бироқ Бахром Қурамбаев ҳар қандай шароитда ҳам таълим даргоҳини тарк этмади.
- 1989 йилдан бугунги кунгача бошланғич синфларда тўққизинчи синфимни чиқараяпман. Шу вақт оралиғида жами 450 нафардан ортиқ ўқувчига таълим-тарбия бериб келяпман. Ўқувчиларимнинг 250 нафаридан ортиғи олий таълим муасасаларини битказиб, жамиятда ўз ўрнига эга бўлган, - дея фикр билдирди устоз.
Хусусан, собиқ ўқувчилари Бунёдбек Юлдашев Англияда, Улуғбек Худайберганов Германияда, Икромбек Жуманиязов Кореяда, Сарварбек Саъдуллаев Москвада, Зубайда Балтаева Сингапурда хорижий давлат университетини тугатиб, ҳозирги кунда нуфузли давлат ташкилотларида фаолият олиб бормоқдалар.
Бу йил 4-синфни тугатган ўқувчилари ҳам ўз кучи ва билими билан ўзларига муносиб таълим даргоҳларида таҳсил олишни давом эттирадилар. Хусусан, ўқувчиси Моҳирахон Улуғбекова Хива шаҳридаги Президент мактабига, Гўзалхон Саидова Қарши шаҳридаги Президент мактабига, Гулзода Вапаева Шовот тумани Ал-Хоразмий номидаги Халқаро физика ва математика мактаб-интернатига, Моҳинур Отаназарова Урганч шаҳридаги 1-сонли ихтисослаштирилган мактаб-интернатининг 5-синфига ўқишга қабул қилиндилар.
Ўқувчиларнинг эришган ютуқларида устознинг ўрни буқиёсдир.
Мактаб ўқитувчилари ҳам устоз тўғрисида “Мактабимизнинг устуни, фахри ва таянчи, барчанинг маслаҳатгўйи” деб таърифлайдилар.

Хоразм вилояти халқ таълим бошқармаси Матбуот хизмати

Telegram/Youtube/Facebook/Instagram Ochish/sharhlash

2022-08-31 10:15:49 Урганч шаҳридаги 5-сон мактаб ўқувчилари Моҳирахон Улуғбекова Хива шаҳридаги Президент мактабига, Гўзалхон Саидова Қарши шаҳридаги Президент мактабига, Гулзода Вапаева Шовот тумани Ал-Хоразмий номидаги Халқаро физика ва математика мактаб-интернатига, Моҳинур Отаназарова Урганч шаҳридаги 1-сонли ихтисослаштирилган мактаб-интернатининг 5-синфига ўқишга қабул қилиндилар. Ochish/sharhlash

2022-08-30 19:19:32 Yangibozor tumani 33-son IDUM yangi 2022-2023-oʻquv yiliga tayyor.

@Xorazm_XTB Ochish/sharhlash

2022-08-30 18:45:58 Вазир Хоразмдаги мактабларнинг янги ўқув йилига тайёргарлик жараёнларини ўрганди

Ўзбекистон Республикаси Халқ таълими вазири Бахтиёр Саидов кеча, 29 август куни Хоразм вилоятида бўлиб,   вилоятдаги умумтаълим мактабларининг янги ўқув йилига тайёргарлигини ўрганди. 

Хусусан, Хива шаҳар ҳокими ҳамда сектор раҳбарлари иштирокида Хива шаҳридаги бир қатор мактабларда амалга оширилаётган қурилиш ва бунёдкорлик ишлари билан танишдилар.

Хива шаҳрида Инвестиция дастури доирасида 4-сонли  ва 13-сонли ҳамда “Обод маҳалла” дастурига асосан эса 5-сонли мактабларда қурилиш-таъмирлаш ишлари олиб борилмоқда.

Халқ таълими вазири мактаб жамоаси билан учрашиб, янги ўқув йили олдидан омад тилади.

@Xorazm_XTB Ochish/sharhlash

2022-08-30 14:25:45 Янги ўқув йилига тайёргарлик жараёнларини ўрганиш ишлари давом этмоқда

Янги ўқув йилига тайёргарлик юзасидан Хоразм вилояти Хива шаҳридаги бир қатор мактабларда амалга оширилаётган қурилиш ва бунёдкорлик ишлари билан вазирлик мутасаддилари, Хива шаҳар ҳокими ҳамда сектор раҳбарлари томонидан танишиб чиқилди.

Хива шаҳрида Инвестиция дастури доирасида 4 ва 13-сонли ҳамда “Обод маҳалла” дастурига асосан эса 5-сонли мактабларда қурилиш-таъмирлаш ишлари олиб борилмоқда.

Бундан ташқари Openbudget.uz платформаси орқали Хивадаги 1 та мактабда 500 млн.сўмлик қурилиш-таъмирлаш ишлари ҳам якунига етмоқда.


Халқ таълими вазирлигининг расмий саҳифаларига уланиш
Telegram | Youtube | Facebook | Instagram Ochish/sharhlash

2022-08-30 14:09:37 #Yangi_oʻquv_yiliga_tayyorgarlik

YANGIBOZOR TUMANIDAGI 9-MAKTABGA YANGI QO‘SHIMCHA BINO QURIB BERILDI

Yangibozor tumanidagi 9-sonli umumiy o‘rta maktabi binosi mukammal ta’mirlandi hamda qo‘shimcha 180 o‘rinli yangi binosining qurilish ishlari to‘liq yakunlandi va foydalanishga topshirildi.

Bugun maktabning yangi 180 o‘rinli binosining ochilish marosimi bo‘lib o‘tdi. Ushbu marosimda yig‘ilgan mahalla nuroniylari, ota-onalar, mazkur maktabda faoliyat yuritib kelayotgan xodimlar va o‘quvchilar bilan bir qatorda tuman hokimi O‘ktam Qurbanov ham ishtirok etishib, ularning quvonchlariga sherik bo‘ldi.

Ma’lumot uchun: Yangibozor tumanidagi 9-maktabni mavjud 180 o‘rinli binosini mukammal ta’mirlash va qo‘shimcha 180 o‘rinli bino qurilishi uchun 4,750 mlrd. so‘m mablag‘ ajratilgan.

Telegram/Youtube/Facebook/Instagram Ochish/sharhlash

2022-07-09 11:43:25 “Халқ таълими соҳасида энг зиёлилар ишлаши ва барча олиб борилаётган ислоҳотларга зиёлилар каби ёндашиши керак” — Халқ таълими вазирлигида навбатдаги ҳайъат йиғилиши бўлиб ўтди (+ВИДЕО)

Йиғилишда Халқ таълими вазирлигининг 2022 йил 1-ярим йиллигидаги фаолият самарадорлиги, 2-ярим йилликдаги долзарб вазифалар, мавжуд камчиликлар, уларнинг ечимига оид таклифлар ҳамда соҳани ривожлантириш бўйича амалга оширилган ишлар натижадорлиги ва истиқболдаги вазифалар муҳокама этилди.

Батафсил: https://www.uzedu.uz/y3/news/618


Халқ таълими вазирлигининг расмий саҳифаларига уланиш
Telegram | Youtube | Facebook | Instagram Ochish/sharhlash

2022-07-08 15:15:12 Ўрта махсус маълумотли ўқитувчилар учун 1000 та мақсадли қабул параметрлари тасдиқланди

Халқ таълими тизимида фаолият олиб бораётган, бироқ олий маълумотга эга бўлмаган ўқитувчилар учун олий маълумотли бўлиш имконияти пайдо бўлди.

Ўзбекистон Республикаси давлат олий таълим муассасаларига ўқишга қабул қилиш жараёнларини мувофиқлаштириш бўйича Давлат комиссиясининг 2022 йил 2 июлдаги мажлис баёнига асосан олий маълумотга эга бўлмаган ўқитувчилар учун тўлов-контракт асосида сиртқи таълим шакли бўйича алоҳида 1000 та мақсадли қабул параметрлари тасдиқланди.

Бу ўринларга умумтаълим муассасаларида фаолият юритаётган, олий педагогик маълумотга эга бўлмаган ҳамда камида 5 йил педагоглик стажига эга бўлган ўқитувчилар даъвогарлик қилиши мумкин.

Бунинг учун олий таълимга эга бўлмаган, мақсадли қабул параметрлардаги жойларга даъвогар ўқитувчилар иловадаги ОТМ йўналишларига барча абитуриентлар қатори 20 июлга қадар тегишли тартибда Давлат тест маркази порталида рўйхатдан ўтишлари керак.

Олий таълимга эга бўлмаган даъвогар ўқитувчилар ўрнатилган тартибда кириш имтиҳонларида иштирок этади ва асосий квотага кира олмаган тақдирда мақсадли қабул параметрлари доирасида баллар кетма-кетлигида ўқишга тавсия қилинади.


Халқ таълими вазирлигининг расмий саҳифаларига уланиш
Telegram | Youtube | Facebook | Instagram Ochish/sharhlash

2022-07-08 15:15:12 #Эълон

Абу Райхон Беруний хотирасига бағишланган танловда иштирок этинг!

Иқтисодий ҳамкорлик ташкилоти Илмий жамғармаси (ECOSF) Мустафо фан ва технологиялар жамғармаси (MSTF) билан ҳамкорликда мактаб ўқувчилари ўртасида Абу Райхон ал-Беруний хотирасига бағишланган 5 – “HOOP” танловини эълон қилади.

Танлов шартлари:

Қуйидаги икки хил тоифадаги
60 сониялик илмий ва маърифий видеороликларни тақдим этиш:

1. Умумий категория: тажрибалар, техник ва визуал хатолар;
2. Махсус категория: математик тушунчалар учун ҳақиқий ва амалий моделларни яратиш.

Қабул йилнинг июлигача давом этади.

Танлов ғолиблари пул мукофотлари ва сертификатлар билан тақдирланадилар.

Қўшимча маълумотлар танловнинг расмий сайтида. Ochish/sharhlash

2022-07-08 13:20:31 Prezident maktablari imtihonining asosiy bosqichiga tayyorgarlik ko‘rayotgan o‘quvchilar diqqatiga!

Bugun 8-iyul kuni soat 11:00 dan 23:00 ga qadar www.khiso.uz saytida

Tanqidiy fikrlash (8 ta savol 43 balldan);
Muammoni hal qilish (16 ta savol 41 balldan);
Jami 1000 ball

Testlar Cambridge Assessment Admissions Testing tashkiloti standartlari asosida tuzilgan.

Soat 23:00 da oʻquvchi va uning ustozi mos ravishda QR kodli sertifikat va tashakkurnoma bilan taqdirlanadi.

Testlarning to‘liq yechimlarini soat 23:15 dan boshlab youtube kanalimizda toʻgʻridan-toʻgʻri efirda oʻrganishingiz mumkin.

Har bir ishtirokchiga KUNTESTI mobil ilovasi uchun 50 ta bepul tanga beriladi.

Saytdan foydalanish bo‘yicha yo‘riqnoma bilan batafsil tanishib chiqing: YO‘RIQNOMA

Telegram kanalga a'zo bo‘ling va olimpiadalardan eng birinchi xabardor bo‘ling: @khiso

Admin: @khiso_admin Ochish/sharhlash