2023-05-17 13:22:26
НАМОЗНИНГ ҲИКМАТЛАРИ
-Намоз Исломнинг иккинчи рукни, ибодатларнинг онаси, тоатниларнинг асоси, гуноҳларни ювувчи, ёмонликларни қайтарувчидир.
-Намоз калимаи шаҳодатдан кейинги энг улуғ фарздир.
-Намоз банданинг Аллоҳ ила боғланиш воситасидир.
-Намоз ютуқ ва нажотлар йўлидир.
-Намоз - хато ва гуноҳларни ювишнинг энг ишончли йўли.
-Намоз ўз эгасига кўплаб шахсий фойдалар келтиради.
-Намоз намозхонни Аллоҳ таолага яқин қилади, унинг иродасини мустаҳкамлайди.
-Намоз инсонни бу дунё матоҳларидан ўзини юқори тутишга ўргатади.
-Намоз ўз эгасига мислсиз нафсоний роҳат ва руҳий фароғат касб этади.
-Намоз ўқийдиган одам ғафлат уйқусидан қутулиб, ушбу ҳаётдаги ўз масъулиятини сидқидилдан адо этадиган бўлади.
-Намоз кишига интизомли бўлишни, ҳамма ишларни тартибли равишда йўлга қўйишни, вақтни тежаш ва тартибга солишни ўргатади.
-Намозхон одам ҳилм, хотиржамлик, шошилмаслик, виқор, сабр каби кўплаб шахсий сифатларга эга бўлади.
-Намоз ўз эгасини юксак инсоний фазилатларга эга бўлишга, турли разийлатлардан холи бўлишга олиб боради.
-Намознинг намозхонлар жамиятига келтирадиган фойдалари ҳам жуда кўпдир.
-Намоз мусулмон кишини ғайри мусулмондан ажратиб турувчи асосий белгидир. Намозхон одамни ҳамма хурмат қилади, унга ишонади.
-Намоз поклик рамзидир. Қолаверса бадани, кийим-боши ва макони пок бўлади.
Намоз кишининг рухий, маънавий ва жисмоний соғлиги учун ниҳоятда зарур нарса экани ҳозирги кунда кофирга ҳам сир бўлмай қолди.
"Кифоя" китобдан
Дўстларингизга ҳам улашинг https://t.me/XojagonUz
1.5K views10:22