2023-04-07 01:56:25
Yuraklar talpinar sen tomon har dam,
Biroq iymon sustlik qilar-da ba'zan.
O'zing qabul etgin, istig'for, tavbam
Kechirgin, Allohim, gumroh bandangman.
Namozda dunyoni unutolmasam,
Chaqirgan mahaling qo'rqmay uxlasam
Va yana necha bor buzilsa qasam
Kechirgin, shaytonga hamroh bandangman
G'ofir-ul Rohiymsan qilgin mag'firat
Jonimni kuydirma, kelsa, oxirat
Qalbimda mudom tur quraylik suhbat
O'zing qil, Xudoyim, panoh, bandangman
Ne ma'no yigirma birga kirgandan
Gunohlar orttirdim tug'ilganimdan
Senga sherik yo'q deb mo'min bo'lganman
Jannat ila siyla Alloh, bandangman
Senga hamdlar bo'lsin, senga salomlar
Shukronalar senga, ezgu kalomlar
Muhammad shafoat aylar zamonlar
Sen ham kechir Robbim maddoh bandangman
SHOHRUH ARABJONOV
@GRANT_CHANNEL
1.7K viewsSHOHRUH ARABJONOV, 22:56