Улугнор тумани "SO'FI OLLOHYOR" jome masjidi rasmiy kanal

2022-12-27 05:39:59 Инсоннинг гўзал ахлоқи бўлмаса 0 га тенг

Бир киши ал-Хоразмийга инсоннинг қадри қиймати нимага тенг?- деган савол билан мурожаат қилди. Олимнинг жавоби шундай бўлди:
- Агар инсон гўзал ахлоқли бўлса, у =1 га тенг бўлади.
- Агар унинг ҳусни ҳам гўзал бўлса, бирнинг ёнига 0 ни қўшинг =10 га тенг бўлади.
- Агар унинг моли ҳам бўлса, яна битта 0 ни қўшинг =100 га тенг бўлади.
- Агар унинг насл насаби ҳам бўлса, яна битта 0 ни қўшинг =1000 га тенг бўлади.
- Агар унинг гўзал ахлоқи бўлмаса, ундаги 1 ни олиб ташланг. Натижа =000 дан иборат бўлиб, инсон ҳеч қандай қийматга эга бўлмайди.

https://t.me/Ulugnorboshmasjid Ochish/sharhlash

2022-12-27 05:39:36 Тилнинг офатидан сақлан...

​​​​Ҳазрати Али розияллоҳу анҳу шундай деганлар:

«Аллоҳ таоло тилни шу қадар мустаҳкам қўрғон билан ўрадики, бошқа бирорта аъзо бунчалик мустаҳкам муҳофаза қилинмаган. Тилнинг олдида ўттиз иккита тиш саф тортган, тишларнинг ортидан иккита лаб ёпилган, ичкарида тилнинг усти кичик тилча билан қопланган, ундан ичкарида эса қалб туради. Шундай экан, Аллоҳдан қўрққин, бу маҳбусни қочириб юборма. Тилнинг офатидан сақлана олишингга ишонч ҳосил қилсанггина уни эркин қўйишинг мумкин».

«Унвонул баён» китобидан.

https://t.me/Ulugnorboshmasjid Ochish/sharhlash

2022-12-27 05:39:09 УЧ ТОИФАДАГИ КИМСАЛАР АЛЛОҲ ҒАЗАБИДАДИР.

Бисмиллаҳирроҳманирроҳийм.

Пайғамбаримиз Муҳаммад мустафо соллаллоҳу алайҳи васаллам айтдилар:
« Албатта Аллоҳ таоло уч тоифа инсонларга ғазаб қилади ва уларнинг ичидан уч нафарига ғазиби кучлироқдир.
1- Фосиқ инсонга ( гуноҳдан тўҳтамайдиган инсонга ) ғазаб қилади, фосиқ кексага эса ғазаби янада кучлироқдир.
2- Бахил инсонга ғазаб қилади, аммо бой бўлиб бахил бўлганларга ғазаби янада кучлироқдир.
3- Мутакаббирларга ғазаб қилади, аммо ўзи фақир бўлиб кибрли бўлганларга ғазаби унданда қаттиқроқдир.
Аллоҳ таоло уч тоифа инсонларни севади, улардан уч нафарига севгиси ундан кучлироқдир.
1- Тақводорларни ( Аллоҳдан қўрқгучиларни) севади, аммо тақво қилгучи ёш йигитга бўлган севгиси янада қаттиқроқдир.
2- Сахийларни севади, аммо фақир сахийларга бўлган севгиси янада қаттиқроқдир.
3- Тавозеъли инсонларни севади, аммо тавозеъли бойларни севиши янада кучлироқдир ».
Аллоҳ таоло барчамизни ғазабидан сақлаб, муҳаббатига муяссар қилсин.

https://t.me/Ulugnorboshmasjid Ochish/sharhlash

2022-12-27 05:38:44 КЕЧИРИМНИ ҚАБУЛ ҚИЛМАСА

@Savollar_kanal 7970-савол

Ассалому алайкум! Бир инсон зулм қилганидан қаттиқ афсусланиб, тавба қилиб, мазлумдан кечиришини ёки ҳаққини олишлигини сўраса. Аммо мазлум кечирмайман, ҳаққимни эса қиёматда оламан деса. Бу икки инсоннинг ҳукми қандай бўлади?

ЖАВОБ:

– Ва алайкум ассалом! Инсонларни энг ёмони зулм қилиб тавба қилмай, ҳаққини ҳалолламаган кишидир. Ундан ҳам ёмонроғи эса кечирим сўраган кишини кечиримини қабул қилмаган инсондир. Валлоҳу аълам!

«Зикр аҳлидан сўранг» ҳайъати

https://t.me/Ulugnorboshmasjid Ochish/sharhlash

2022-12-27 05:38:21 Яхши кўрган инсонларингизни жуда маҳкам тутинг!

Уларга яхши кўришингизни айтинг! Хатоларини кечиринг!

Бир куни келиб ё сиз ёки улар риҳлат қиладилар. Қалбда эса, уларга айтилмай қолган гаплар, соғинчлар қолади.

Сиз билан тортишган, ўзларини оқлаган, тушунтирган, эътироф этган, уришишларидан етган жароҳатингиз ичидан тузалмасидан олдин, ташқарисини тикиб қўйманг!

Ҳаёт гина - кудрат, ҳасад, ғазаб сақлаш, ришталарни узишга арзимайдиган даражада қисқа.

Эртага фақат хотираларга айланамиз. Ўлим рухсат сўраб ўтирмайди. Сизга ёмонлик қилганларга табассум қилинг, марҳаматли бўлинг!

Шайх Алий Тантовий

https://t.me/Ulugnorboshmasjid Ochish/sharhlash

2022-12-27 05:37:57 Бу мусийбатдир.!!

« Одамларнинг кўпи дунёвий ишини ўрганиши учун , узоқ соатлаб , узоқ ўтиришга тайёр . Бу йўлда икки-уч йилни ҳам бемалол , муаммосиз қурбон қилиши мумкин. Қўшимчасига , катта миқдордаги молини , уни ўрганишга сарфлайди . Аммо , яратилишнинг ғояси бўлган , уни рўёбга чиқариш учун келган тавҳидга келганда , уни таълим олишда гоҳида ўн беш дақиқа вақт ажратиб ўтиришликни кўп санайдилар.

Бу мусийбатдир!!!».

Шайҳ Абдур Роззақ ал Бадр

https://t.me/Ulugnorboshmasjid Ochish/sharhlash

2022-12-27 05:37:31 ЖИНЛАР ВА ШАЙТОНЛАР ОРАСИДАГИ ФАРҚЛАР

Жинлар ва шайтонлар орасидаги фарқлар ҳақида “Ақидатул муъмин” китобида қуйидагилар ёзилган: “ Жинлар икки турли бўлади:

1. Шайтонлар. Буларда ҳеч қандай яхшилик бўлмайди;
2. Жинлар. Булар орасида солиҳлари ҳам, ёмонлари ҳам бўлади.
Жинларнинг ҳолати инсонларга ўхшаш бўлиб, улар орасида хушфеъллари ҳам, бадфеъллари ҳам, мўминлари ҳам, кофирлари ҳам бўлади.
Шайтонлар аслида жинларнинг вакиллари ҳисобланади.
Зеро, иблиснинг жинлардан бўлгани Қуръони каримда хабар берилган:
“Эсланг, (Эй Муҳаммад!) Фаришталарга Одамга сажда қилинг, дейишимиз билан сажда қилдилар. Фақат иблис (сажда қилмади). У жинлардан эди. Бас, Парвардигорининг амрига бўйин сунишдан бош тортди”.
Каҳф сураси, 50-оят.

Шайтон илоҳий раҳматдан қувилиб, барча яхшиликлардан кесилгач, мазкур ишлар унинг зурриётларига ҳам мерос бўлиб ўтган. Шунинг учун шайтонларда асло яхшилик бўлмайди, улар фақат ёмонликни биладилар ва доим ёмонликка чақирадилар. Буларнинг ҳолатига илон анча яқин мисол бўла олади. Яъни илондан фақат илон туғилади, илон насли борки, барчаси доим заҳар солиш пайида бўлади. Худди шу сингари, шайтонлардан ҳам фақат шайтонлар туғилади, шайтон насли борки, доим одам болаларини йўлдан уриш пайида бўлади.
Шунингдек, аслида шайтон бўлмаган жин ва инсонлар ҳам ифлос ишларни қилишлари ва туғёнга кетишлари сабабли шайтонга айланиб борадилар.
Шайтонга айланганларининг ашаддийлари “Марид” дейилади, янада бундан ҳам ортиқ туғёнга кетганлари “Ифрийт” деб номланади.

Шайтонларнинг васваса қилишлари ҳақида Қуръони каримда шундай хабар берилган:
“Шунингдек, ҳар бир пайғамбарга инсу жиннинг шайтонларини душман қилиб қўйдик. Улар алдаш мақсадида сохта хушсуханлик билан бир-бирларига васваса қиладилар”.
Анъом сураси, 112-оят.

Ушбу оят шайтонларнинг инсонлардан ҳам, жинлардан ҳам бўлишига далолат қилади. Жинларнинг турли бўлиши ҳақида эса уларнинг тилидан ҳикоя тарзда шундай хабар берилган:
“Ва албатта, биздан солиҳлар ҳам ва бошқалар ҳам бор. Турли гуруҳлар бўлган эдик”.
Жин сураси, 11-оят.

Ушбу оятда эса жинларнинг ораларида солиҳлари ҳам бўлиши баён қилинган”.

"Эътиқод дурдоналари" китобидан.



https://t.me/Ulugnorboshmasjid Ochish/sharhlash

2022-12-26 19:43:43 #YANGILIK
Arab harflarini tez o‘rganing!
Bolajonlaringizga qo'yib bering! Alloh manfaatli qilsin...

Boshqalarga ham ulashing!

@Nozimjonuz

https://t.me/Ulugnorboshmasjid Ochish/sharhlash

2022-12-26 05:21:01




Muhammadjon qori
Ulug'nor tumani "So'fi Ollohyor" jome masjidida

https://t.me/Ulugnorboshmasjid Ochish/sharhlash

2022-12-23 19:02:28 Ваҳоланки ризқ Аллоҳнинг зиммасида...

Мирзамақсуд домла Алимов
Андижон вилоят бош имом-хатиби

Имом минбари

анба: @muslimunuzportal Ochish/sharhlash