Миснинг тоннаси 11 минг доллардан ошди Эрталабки савдоларда м | bakiroo

Миснинг тоннаси 11 минг доллардан ошди

Эрталабки савдоларда мис котировкалари 11 105 долларга етган. Бу барча даврлар учун янги максимум. Йил бошидан ҳисоблаганда мис нархи 27%га қимматлади. Бозор иштирокчилари электромобиллар ва қайта тикланувчи энергия манбаларига талаб ортиши билан мисга нисбатан тақчиллик сезилаётганини асосий сабаб ўлароқ кўрсатишмоқда.

Эрондан келаётган хабарлар олтин нархига ҳам таъсир кўрсатмоқда. Сариқ металл жума кунги рекордини янгилаган ва айни дамларда 1 унция олтин нархи 2 450 долларгача кўтарилган.

Мис ва олтин Ўзбекистон экспортининг асосий товарлари ҳисобланади.