Sirdaryo | Onlayn

Янгиер шаҳрида Сирдарё вилоятининг 60 йиллиги ҳамда «Конституция ўзимизники» шиори остида Конституциявий қонун лойиҳаси бўйича тарғибот тадбири, «Соғлом ҳаёт учун 5 минг қадам» ҳамда концерт дастури бўлиб ўтди.

Тадбирда талабалар, мактаб ўқувчилари, спортчи ёшлар иштирок этди. Албатта, ташаббус ёшларники бўлди, лекин бу давранинг моҳиятини янада чуқурроқ англаган янгиерликлар ҳам ўзларини четга тортишмади. Бундан ташқари, маданият ва санъат соҳаси ходимлари, фаол хотин-қизлар, иқтидорли ёшлар, шаҳримиз фахрийлари қатнашди.

Тадбир давомида сўзга чиққанлар бош қомусимизнинг мамлакатимиз ҳаётида тутган ўрни, унга киритилаётган янги қўшимчалар ва ўзгаришлар халқимизнинг турмуш-тарзи фаровонлигига, инсон қадрини бунданда юксалишига хизмат қилишини таъкидлаб, 30 апрел куни бўлиб ўтадиган референдумга бефарқ бўлмасдан, сиёсий жараёнда фаол иштирок этиш лозимлигини таъкидлади. Гала концерт дастури форматида ўтказилган тадбирда янгиерлик санъаткорларнинг чиқишлари барчага илиқ кайфият бағишлади.

@SirdaryoOnlayn

Божхоначилар томонидан тиббий дори воситаларининг ноқонуний айланувига чек қўйилди

Сирдарё вилояти божхона бошқармасининг тезкор тузилмаси ДХХ Сирдарё вилояти бошқармаси ва ҳуқуқни муҳофаза қилувчи бошқа органлар билан ҳамкорликда Тошкент шаҳри Чилонзор туманида тезкор тадбир ўтказилди.

Тезкор тадбир давомида, олдиндан тезкор кузатувга олинган «Cobalt» автомашинаси Тошкент шаҳри Чилонзор туманида жойлашган автотураргоҳ ҳудудида юкхонаси ўрнатилган тартибда кўздан кечирилди.

Натижада, автомашина юкхонасида фуқаро М.Ш.га тегишли бўлган хорижда ишлаб чиқарилган, ҳеч қандай ҳужжатлари бўлмаган ва сифати кафолатланмаган дастлабки қиймати 101,3 млн сўмлик 3 турдан иборат жами 3008 дона «Altrabac-S», «Операзон-Н», «Левофлоксацин 100 мл» номли тиббий дори воситалари борлиги аниқланиб, ашёвий далил сифатида олинди.

Ҳозирда мазкур ҳолат юзасидан божхона органлари томонидан суриштирув ҳаракатлари олиб борилмоқда.

Сирдарё хабарлари
@SirdaryoOnlayn

Боёвутда муқобил энергия манбаларидан фойдаланиш оммалашмоқда

Энергия тежамкорлигини ошириш ҳамда экологик тоза ва қайта тикланувчан энергия манбаларидан фойдаланиш бугунги куннинг энг долзарб вазифаларидан биридир. Айниқса, бу йилги қиш мавсуми аҳоли хонадонлари, корхона ва ташкилотларда муқобил энергия манбаларидан фойдаланишга ўтишни даврнинг ўзи тақозо этаётганини яққол кўрсатди.

Боёвут инновацион туманида ҳам қайта тикланувчи энергия манбаларидан фойдаланиш тобора оммалашмоқда. Хусусан, Боёвут тумани Иқтисодиёт ва молия бўлими биносида қуёш панеллари ўрнатилди. Ушбу қурилма биноларни кундузи электр энергия билан қисман таъминлаш вазифасини бажаради.

Мазкур бинога қуёш панеллари қурилмасининг ўрнатилиши натижасида бугунги кунда электр энергияси 30-40 фоизга тежалмоқда.

Сирдарё хабарлари
@SirdaryoOnlayn

«Netflix» нинг Амир Темур ҳақидаги бадиий фильмида Амир Ҳусайн ролини ким ижро этиши маълум бўлди

Амир Темур ҳамда Амир Ҳусайн ўртасида бўлиб ўтган 1368 йилги қонли тўқнашув Амир Ҳусайннинг фожеали мағлубияти, Биби Хонимнинг Амир Темур ҳаётига кириб келган даврлар «Netflix»нинг Амир Темур ҳақида олаётган фильмда акс этмай иложи йўқ.

Амир Ҳусайнни хушсурат эркак бўлган дейишар эди. Кинода уни мана бу қиёфада кўрасиз. Амир Ҳусайн ролига Маҳеш Жаду (Mahesh Jadu) танланибди.

Маҳеш Жаду австралиялик актёр. У «Қўшнилар» сериалидаги доктор Дуг Харрис роли ва «Netflix»нинг «Марко Поло» сериалидаги Аҳмад роли билан машҳур.

Аввалроқ, Амир Темур, Сароймулкхоним ва Ўлжой Туркон хотун ролларига ким танлангани ҳақида хабар берилган эди.

Сирдарё хабарлари
@SirdaryoOnlayn