😍Shoira Malohat she'rlari✏📝😍

2022-02-28 09:18:53 Zulfiyaxonim

O‘zbek ayollari o‘rnak olgudek,
Tarixda qolgudek kuchli matonat.
Go‘zal satrlaru zarhal kitoblar,
Mana biz yoshlaga qoldi omonat.

Sizga o‘xshamoqqa qilarman havas,
Jo‘sh urar ijod deb mening ham qonim.
Yo‘linggizdan borgum albatta hali,
Izdoshinggiz bo‘lay Zulfiyaxonim


@Shoira_qiz Ochish/sharhlash

2022-02-27 09:58:39 Eh bilmaysiz....

Qalb sog‘inchda dard-u alam yutganini,
Xayollarim uyim tomon ketganini,
Eh bilmaysiz ich-ichimdan o'tganini,
Musofirda yurgan kunim achinarli.

Farzandlarim ko'rgim kelar borolmayman,
Onamdan ham bir bor xabar ololmayman,
Do'stlar bilan choyxonada qololmayman,
Musofirda yurgan kunim achinarli.

Yillar o'tib otam qaddi bukilgandir,
Sog'inchlardan ko'zyoshlari to'kilgandir,
Rafiqam ham meni deya o'kingandir,
Musofirda yurgan kunim achinarli.

Bardosh qilib qiynalganim sezdirmayman,
Onamni ham dardin aytib bezdirmayman,
Yuragini havotir-la ezdirmayman,
Musofirda yurgan kunim achinarli.

Boqayapman qo'lda qoldi eski surat,
Dalda berdi chidashimga ular faqat,
Bu kunlarga Olloh o'zi berar toqot,
Musofirda yurgan kunim achinarli.

@Shoira_Qiz Ochish/sharhlash

2022-02-27 08:59:06 ****
Toleyim sho‘r bo‘lsa nogoh ko‘zlarda yosh,
Bo‘lib ketdim ulg‘ayganda biroz bebosh,
So‘roqlashga vaqt topmagan men bag‘ritosh,
Meni kutib bir chirog‘i o‘chmas xona,
Sog‘indizmi men sovuqqon qizni Ona!

@Shoira_qiz Ochish/sharhlash