2022-08-01 05:33:04
1-voqea. 1-avgust kuni qora qalin shimda, 72-avtobusga o’tirganman. Tatuni oldida tushishim kerak edi lekin tushmay o’tib ketganman, konduktor hozi 15-20 minutlada qaytib shu joyga kelamiz o’tiraver deyishgan. Yana yo’lkira to’laganman.
2-voqea. Imtihonda o’tirganimizda orqa partadan bir bola so’rab qoldi, kim shpargalkadan foydalanishni biladi deb. U bola bilmas ekan. Hamma bir biriga uzatdi tushunmadik deb. Manga yetib keldi, man fizikani ishlab tugatgan edim. Shpargalkadan tezda 6-7 tasini qaradim mani javobim bilan bir xil, indamasdan uzatvordim.
3-voqea. 3 varaqli teslarda matematikani yirtib obchiqqanman)
4-voqea. Imtihon topshirib tatu binosidan xursand bo’lib yugurib chiqqanman. Ko’chada ota-onalar farzandlarini kutishyapti, meni esa hechkim kutib olmadi...
Ha mayli, lekin chiqqanlarni juda ko’pchiligi hafa, kimdirlar yig’lagan, men esa juda xursand bo’lib, aniq o’qishga kirdim deb chiqqanman. Chunki matematikadan aniq 36 yechdim, fizikadan aniq 35 ta yechdim deb ishonch bilan chiqqanman.(matem 35, fiz 33 ta chiqqan)
5-voqea. Yana 72 ga chiqib uyga qaytganman, xursandman. Avtobusda tikka tursam manga 1-2 tasi g’alati qarayapti. Nimaga bunaqa qarayotganini tezda tushunganman. Imtihon payti xona judayam issiq edi. Qora qalin shimda shunaqangi terlaganman, xursandligimdan sezmaganman. Toza havoga chiqqandan keyin o’sha terlar qurigan, qirigan joylari qora shimda oppoq izlar qoldirgan edi)))
Mondat kuni toshkentdan imtihon natijasini aytish uchun otam telefon qilgan, uyda 1 ta telefon bor, uniyam yashil tugmasi yaxshi ishlamaydi. 3-4 marta qayta qayta tel qilishyapti, ko’tara olmaymiz, qani endi shu yashil tugmani bosyapmiz ishlamasada...
Yonimda faqat onam bor edi, yomon baqirib sakraganman kirganimni eshitib)
Akamni uyini devorlariga somon loy boshlab qo’ygandik. Mondat chiqqan, butun mahalla o’qishga kirganimni bilishdi. Endi buyog’iga mehmonlar kelishni boshlaydi. Lekin biz katta uchaska uchun somon loy tayyorlab qo’yganmiz, tugatmasak bo’lmaydi. Rosa ter to’kib ishlaganman. Hamma ko’rganlar tabriklashgan, kulishgan, kimdir ishlatib qolinglar desa yana kimdir ey student yig’ishtir endi bu ishlarni deyishgan)
Imtihonda o’tirganimizda oldingi partada o’tirgan bola mani ishlayotganimni ko’rib manikiniyam ishlab ber deb holi jonimga qo’ymagan. Kelishamiz pul beraman degan. Yo’q deganman, ezvorgan, oxiri 15-17 ta matematikasini ishlab berganman. Shu bola kontraktda o’qidi biz bilan)
1.7K viewsedited 02:33