SamDU akademik litseyi | rasmiy kanal

Xotin-qizlar o'rtasida "Zakovat" intellektual turnirining Samarqand viloyat hududiy saralash bosqichida akademik litseyning o’quvchi va o’qituvchi xotin-qizlardan iborat SamDU AL jamoasi faxrli 2-o’rinni qo’lga kiritdi. Akademik litsey jamoasi ushbu yutuq bilan jamoa a’zolarini tabriklaydi, Respublika bosqichida sovrinli o’rinlarni qo’lga kiritishida omad tilab qoladi.

Zulfiya- vafo va sadoqat timsoli
1-mart – taniqli oʻzbek shoirasi Zulfiyaxonim tavallud topgan kun. Akademik litseyning axborot resurs markazida ona tili va adabiyot fani o'qituvchisi Rahmatova Dilfuza 108-guruh o’quvchilari bilan "Zulfiya- vafo va sadoqat timsoli" mavzusida tadbir o’tkazdi. Tadbirda o'quvchilar shoiraning she'rlarida namunalar ijro etishdi.O'quvchilar tomonidan ijro etilgan Zulfiyaxonim va Hamid Olimjon dialogi qatnashuvchilarda katta taassurot uyg'otdi.Tadbirda xotin-qizlar kengashi boshlang'ich tashkiloti rahbari M.Janzoqova, yoshlar yetakchisi Sh.Abdullayeva, kutubxona mudiralari va o'qituvchilar ishtirok etishdi. Tadbir so'nggida ARM rahbariyati tomonidan o'quvchilarga esdalik sovg'alar topshirildi.

Sharof Rashidov nomidagi Samarqand davlat universiteti akademik litseyida voyaga yetmaganlar hamda o’quvchi-yoshlar o’rtasida jinoyatchilikni oldini olish va gender tengligini tushuntirish maqsadida “Senda har doim to’g’ri tanlov bo’ladi”, “Xotin qizlarga zo’rovonlik millatga zo’ravonlik” shiorlari ostida mas'ullar tomonidan ochiq muloqot tashkil etildi. Muloqot davomida akademik litsey o'quvchilariga xotin-qizlarning gender tengligi buzilganligi, mobil qurilmalardan noto’gri maqsadda foydalanish oqibatlari, turli aldovlar komiga tushib qolganlar qismati aks etgan videroliklar qo'yib berildi. Ishonamizki Ichki Ishlar xodimlari tomonidan taqdim etilgan ushbu videoroliklar o’quvchilarimizni to’g’ri tanlov qilishlarida albatta yordam beradi.

QUTLOV!!!
Sharof Rashidov nomidagi SamDU akademik litseyining aniq fanlar yo'nalishi 105-guruh o'quvchisi To'xtayeva Oydinoy Faxriddin qizi "Yosh kitobxon" ko'rik tanlovining Jomboy tuman bosqichida faxrli 2-o'rinni qo'lga kiritib, viloyat bosqichiga yo'llanma oldi. Akademik litsey jamoasi o'quvchimizni viloyat bosqichida faxrli o'rinlarni egallashida omad tilaydi.
Akademik litsey jamoasi.

Sharof Rashidov nomidagi SamDU akademik litseyida "Ulug' siymolarga munosib farzand bo'laylik" shiori ostida ikki buyuk siymo Hazrati Alisher Navoiy hamda Zahiriddin Muhammad Boburlarning tavallud kunlariga bag'ishlab katta tadbir o'tkazildi. Bunda Navoiy va Bobur asarlari asosida tayyorlangan sahna ko'rinishlari tashrif buyurgan mehmon va o'quvchilarda katta qiziqish uyg'otdi.