Расмий хабарлар I Официальные новости

Kanal manzili:

Toifalar: Yangiliklar

Til: Oʻzbek tili

Obunachilar: 30.57K

Kanalning ta’rifi

Ушбу канал барча давлат органлари ва ташкилотлари, маҳаллий давлат ҳокимияти органлари Ахборот хизматлари материаллари ягона платформада эълон қилиб бориладиган расмий ахборот манбаси ҳисобланади.
Канал фаолиятига доир саволлар учун: @Rasmiy_aloqabot

▲ Vote (1)

Ratings & Reviews

2.50

2 reviews

Reviews can be left only by registered users. All reviews are moderated by admins.

5 stars

4 stars

3 stars

2 stars

1 stars

Oxirgi xabar 10

2023-05-14 18:17:05

16-18 май кунлари Самарқандда Европа тикланиш ва тараққиёт банки (ЕТТБ) Бошқарувчилар кенгашининг 32-йиллик йигилиши бўлиб ўтади. Бу йилги тадбирнинг асосий мавзуси (Investing in Resilience) “Иқтисодий чидамлилик ва барқарорликка инвестициялар киритиш”, деб номланди.
———
16-18 мая в г.Самарканде состоится 32-е Ежегодное заседание Совета управляющих Европейского банка реконструкции и развития (ЕБРР), под общей главной темой - «Инвестиции в жизнеспособность» (Investing in Resilience).
———
On May 16-18, the 32nd Annual Meeting of the Board of Governors of the European Bank for Reconstruction and Development (EBRD) will be held in Samarkand, under the general main theme - "Investing in Resilience".

Telegram | Facebook | Instagram | Youtube | Медиабанк

9.2K views15:17

Ochish/sharhlash

2023-05-14 17:22:52

Юртимизга Pfizer вакцинасининг навбатдаги партияси олиб келинди

Бугун мамлакатимизга Литва давлатидан гуманитар ёрдам сифатида 684920 доза Pfizer вакцинаси келтирилди.

Санэпидқўмита Ахборот хизмати

Telegram | Facebook | Instagram | Youtube | Медиабанк

8.8K views14:22

Ochish/sharhlash

2023-05-14 14:01:12

2023 йилнинг 18 май куни Тошкентдаги “Hilton” меҳмонхонасида “Камбағалликни қисқартириш бўйича илғор тажрибаларни ҳаётга татбиқ этиш” мавзусида II Халқаро форуми бўлиб ўтади!

Форумда Массачусетс технология институти профессори, иқтисодиёт бўйича Алфред Нобел мукофоти лауреати, АҚШ Миллий Фанлар Академияси аъзоси, J-PALЖ – камбағалликка қарши кураш бўйича глобал тадқиқот маркази асосчиларидан бири Abxijit Banerji ва шу соҳадаги бошқа экспертлар ҳам иштирок этади.

Камбағалликни қисқартириш ва бандлик вазирлиги

Telegram | Facebook | Instagram | Youtube | Медиабанк

8.5K views11:01

Ochish/sharhlash

2023-05-14 11:34:51 Оилавий тадбиркорлик учун 14 фоиздан кредит берилади

Оилавий тадбиркорликни ривожлантириш дастурлари доирасида имтиёзли кредитлар йиллик 14 фоизда қуйидагилар учун ажратилади:

оилавий тадбиркорлик, даромад топиш ва фаолиятини кенгайтириш учун аҳоли ва тадбиркорларга – 3 ойдан 6 ойгача имтиёзли давр билан 3 йилгача;

чорвачилик, балиқчилик, қуёнчилик, асаларичилик, куркачилик ва паррандачилик, биогумус ишлаб чиқариш, “дала дўконлари” қуриш ва кўчма музлаткичларни ўрнатиш учун – 1 йилгача имтиёзли давр билан 3 йилга;

боғдорчилик, узумчилик ва лимончилик, иссиқхона қуриш, қишлоқ хўжалиги техникаси ва асбоб-ускуналарини харид қилиш учун, артезиан қудуқларини қазиш учун – 3 йилгача имтиёзли давр билан 7 йилгача;

оилавий меҳмон уйлари, хостеллар, ўтов лагерлари мажмуаси, автокемпинглар, экоуйлар мажмуаси, контейнер шаҳарчалар ва чодирли лагерлар ташкил этиш ва уларни таъмирлаш учун – 1 йилгача имтиёзли давр билан 5 йилгача;

“Ҳунарманд” уюшмаси аъзоларига асбоб-ускуна, эҳтиёт қисмлар ва хомашё материалларини харид қилиш учун – 3 йилгача муддатга ҳамда айланма маблағларини тўлдириш учун 18 ойгача.

Мазкур кредитлар “Агробанк” АТБ, АТ “Халқ банки” ва “Микрокредитбанк” орқали ажратилади.

Telegram | Facebook | Instagram | Youtube | Медиабанк

10.3K views08:34

Ochish/sharhlash

2023-05-14 09:12:35

“Хоразм миллий табиат боғи”да ноёб ҳайвонлар парвариш қилинмоқда

Ўзбекистон Республикаси Вазирлар Маҳкамасининг 2019 йил 14 декабрдаги “Хоразм миллий табиат боғини ташкил этиш тўғрисида"ги қарорига асосан Амударё делтасида табиий тўқай ресурсларини муҳофаза қилиш, уларни қайта тиклаш ҳамда Хоразм вилоятидаги чўл экотизимларини сақлаш ва вилоятда экотуризмни янада ривожлантириш мақсадида “Хоразм миллий табиат боғи” ташкил қилинган эди.

Хоразм Маъмун академияси, Урганч Давлат Университети, Фанлар Академиясининг Зоология институти олимлари билан ҳамкорликда табиат боғида ўсимлик ва ҳайвонот дунёсини асраш ва кўпайтириш мавзусида 3 та грант лойиҳаси тайёрланган. Ташриф буюрувчиларга қулайлик яратиш мақсадида 6 та экотуризм маршрутлари ишлаб чиқилган. Табиат боғининг сунъий питомнигига 9 та Бухоро буғиси олиб келиб парваришланмоқда. Яқин кунларда яна 45 бош буғи олиб келиш режалаштирилган.

Табиат ресурслари вазирлиги

Telegram | Facebook | Instagram | Youtube | Медиабанк

8.3K views06:12

Ochish/sharhlash

2023-05-12 20:01:25

Жорий йил 18 май куни Hilton Tashkent City меҳмонхонасида “Камбағалликни қисқартириш бўйича илғор тажрибаларни татбиқ этиш” II Халқаро форуми бўлиб ўтади.

Форумда 200 дан ортиқ делегат, шу жумладан, камбағалликка қарши кураш бўйича J-PAL глобал ташаббуси, БМТ, БМТТД, ХМТ, Жаҳон банки, ЮНИCЕФ, ОТБ, ФТА, GIZ ва бошқа нуфузли халқаро ташкилотлар экспертлари иштирок этиши кутилмоқда.

Тадбир Камбағалликни қисқартириш ва бандлик вазирлиги ҳамда Иқтисодий тадқиқотлар ва ислоҳотлар маркази (Марказ) томонидан БМТ Тараққиёт дастурининг Ўзбекистондаги ваколатхонаси ва БМТ Болалар жамғармасининг Ўзбекистондаги ваколатхонаси кўмагида ташкил этилмоқда.

Telegram | Facebook | Instagram | Youtube | Медиабанк

3.9K views17:01

Ochish/sharhlash

2023-05-12 19:18:15

Президент Шавкат Мирзиёев Шайхонтоҳур туманидаги Жангоҳ маҳалласида амалга оширилган бунёдкорлик ишлари билан танишди ва аҳоли билан суҳбатлашди, Абдулла Қодирий кўчасидаги янгиланган хиёбонни кўздан кечирди.

– Маҳаллада “бешлик” тизимини жорий қилиб, кенг имкониятлар бердик. Бугун улар аҳоли билан давлат ўртасида кўприк. Бу кўприк қанча адолатли, шаффоф, мустаҳкам бўлса, халқимиз шунча рози бўлади, – деди Шавкат Мирзиёев.

https://t.me/Rasmiy_xabarlar_Official

4.7K views16:18

Ochish/sharhlash

2023-05-12 18:50:56

2022 йилда хотин-қизлар манфаатлари ҳимоясининг ҳуқуқий асосларини мустаҳкамлаш мақсадида 27 та норматив-ҳуқуқий ҳужжат қабул қилинган

Кеча, 11 май куни Олий Мажлис Сенатида Хотин-қизларнинг жамиятдаги ролини ошириш, гендер тенглик ва оила масалалари бўйича Республика комиссиясининг навбатдаги йиғилиши бўлиб ўтди.

Йиғилишда оила ва хотин-қизларни тизимли қўллаб-қувватлашга доир ишларни яна-да жадаллаштириш юзасидан қабул қилинган Президент фармон ва қарорлари, шунингдек, 2022/2026 йилларда хотин-қизларнинг мамлакат иқтисодий, сиёсий ва ижтимоий ҳаётидаги фаоллигини ошириш бўйича Миллий дастурда белгиланган вазифалар ижросининг амалга оширилиши муҳокама қилинди.

Тадбирда сўзга чиққан Олий Мажлис Сенати Раиси Танзила Норбоева мамлакатимизда хотин-қизларни ҳар томонлама қўллаб-қувватлаш, бандликларини таъминлаш учун шарт-шароитлар яратиш, уларнинг манфаатларини ҳимоя қилиш, турли зўравонликлардан асраш ва бошқа долзарб масалаларнинг ҳуқуқий ва институционал ечимлари йўлида муҳим чоралар кўрилаётганини таъкидлади.

Қайд этилишича, 2022 йилда ушбу йўналишдаги ҳуқуқий асосларни мустаҳкамлаш мақсадида 27 та норматив-ҳуқуқий ҳужжат қабул қилиниб, ижрога қаратилди.

Мажлисда, шунингдек, Республика комиссияси томонидан келгусида амалга ошириладиган ишлар ҳам муҳокама қилинди.

Хусусан, корхона, ташкилот ва муассасаларда гендер тенгликни таъминлаш масалалари бўйича маслаҳат кенгашларини тузиш, уларнинг мутахассисларини ўқитиш, хотин-қизларни касбга ўқитиш, бандлигини таъминлаш, меҳнат жойларида аёллар учун қулай ва хавфсиз меҳнат шароитларини яратиш, ҳудудларнинг ўсиш драйверларидан келиб чиқиб, уларни тадбиркорлик фаолиятига жалб қилиш вазифалари белгилаб олинди.

Telegram | Youtube | Facebook | Instagram | Медиабанк | Сайт

5.3K views15:50

Ochish/sharhlash

2023-05-12 16:57:35

Президент Шавкат Мирзиёев Шайхонтоҳур туманидаги нодавлат таълим муассасасини бориб кўрди.

Минг ўринли бу мактаб инглиз тили, шарқ тиллари ва аниқ фанларни ўргатишга ихтисослашган. Муассасада ўқув ва компьютер хоналари, STEM лабораторияси, кутубхона, ошхона, спорт зали, бассейн мавжуд.

Президентимиз ушбу мактаб тажрибаси асосида, кичик ҳудудда кўп ўқувчи ўрни яратиш, нодавлат мактабларда таълим сифатини назорат қилиш муҳимлигини таъкидлади.

Telegram | Facebook | Instagram | Youtube | Медиабанк

6.2K views13:57

Ochish/sharhlash

2023-05-12 16:23:14

Президент Шавкат Мирзиёев Тошкент шаҳрининг Шайхонтоҳур туманига ташриф буюриб, Самарқанд дарвоза маҳалласида барпо этилган касбга йўналтириш маркази билан танишди.

– Бу икки томонлама манфаатли, - деди Шавкат Мирзиёев. - Ҳозир кўп тадбиркорлар фаолиятини кенгайтирмоқчи, ҳаммага малакали ишчи керак. Мақсадимиз - корхоналар амалий мономарказга айланиб, соҳага мутахассис тайёрласин.

Бунинг учун давлат инфратузилма, молия, солиқ бўйича енгилликлар беради. Иш ўринлари кўпайгани, аҳолининг харид қобилияти ошгани ҳисобидан бу пул пировардида иқтисодиётга қайтиб тушади. Энг муҳими, бу амалиёт ёшлар учун фақат иш ўрганиш эмас, ҳаёт мактаби бўлади.

Telegram | Facebook | Instagram | Youtube | Медиабанк

6.1K views13:23

Ochish/sharhlash