Таназзулга учраган 70 минг гектар ерда ўрмон мелиоратив ишлари | Расмий хабарлар I Официальные новости
Таназзулга учраган 70 минг гектар ерда ўрмон мелиоратив ишлари олиб борилмоқда
Бу ҳақда АОКАда Гидрометереология хизмати маркази раҳбарлари ва бошқа мутасадди ташкилотлар вакиллари иштирокида ўтказилаётган матбуот анжуманида маълум қилинди:
«Ҳозирги вақтда БМТнинг Иқлим ўзгариши бўйича доиравий конвенциясининг Адаптация жамғармаси билан ҳамкорликда ва БМТ Тараққиёт дастури билан биргаликда аҳолининг энг заиф қатламини иқлим ўзгаришига мослашиши ва қурғоқчиликка тайёрлигини ошириш ҳамда унинг салбий оқибатларини юмшатишга йўналтирилган «Ўзбекистоннинг қурғоқчил ҳудудларида жойлашган фермер ва деҳқон хўжаликларининг иқлимий барқарорлигини таъминлаш» лойиҳасини қўллаб-қувватламоқда.
Лойиҳа мослашиш бўйича энг кечиктириб бўлмасчора-тадбирларга кўпроқ эҳтиёж сезаётган, мамлакатимизнинг иқлим ўзгаришининг салбий оқибатларига кўпроқ мойил бўлган Қорақалпоғистон Республикасида амалга оширилмоқда.
Лойиҳа томонидан сув танқислиги ва қурғоқчилик хатарини юзага келиши ҳақида олдиндан хабардор қилиш тизимини ривожлантириш орқали иқлимга барқарор қишлоқ хўжалигини юритишга ўтишда, агро ва сув тежамкор технологияларни жорий этиш, яйловлар унумдорлигини тиклаш бўйича тадбирларни ташкил этиш ва таназзулга учраган 70 минг гектар ерда ўрмон мелиоратив ишларини олиб боришда маҳаллий қишлоқ ҳамжамиятларига кўмак бериб келмоқда».
