2022-10-05 10:00:20
Ҳокимлик Ахборот хизматининг доимий ижодий ҳамкори, 19-умумий ўрта таълим мактабининг бошланғич ташкилот етакчиси
Ш. Тўхтаева яратилган туман рамзи ҳақида ёзган шеърини йўллади.
ҚИЗИЛТЕПА ТУМАНИ РАМЗИ
Ватан учун беринг жон, қалқон бўлинг юрт учун,
Униб-ўсган чаманга чин муҳаббат улашинг.
Яратиб янги имкон, кўкка бўй чўзган бугун
Янги Қизилтепанинг рамзи билан танишинг.
Сарғиш рангли "i" ҳарфи — Ўртачўлдаги чўллар,
Серқуёш заминдаги бепоён кенг кенгликлар
Ҳамда яна бир маъно, янги обод манзиллар,
Инновацион туман еканлигин англатар.
Очиқ кўк рангли чизиқ — Тўдакўлнинг тимсоли,
Мовий кўл ва чексизлик, осуда қалб мисоли.
Aқл чархидир шахмат, унадаги от белгиси
Халқаро шахмат мактаб бунёдлик арафаси.
Яшил ранг бу — яшилик, кўркам боғу-роғлардир,
Қўнғир, оч кўк бирлашиб, бош ҳарф ҳосил қилгандир.
Турли рангдаги баланд биноларнинг сурати,
Янги тараққиётнинг юксалишнинг фурсати.
Йўл тасвири — халқаро ўтган йўлни билдирар,
Равон бўлсин, оқ бўлсин борадиган манзиллар.
Инсонлари бағрикенг меҳмондўст, меҳнатсевар
Янги Қизилтепага хуш келибсиз меҳмонлар!
2.5K views07:00