YANGI QIZILTEPA

BOSH PROKUROR O‘RINBOSARI QIZILTEPADA

O‘zbekiston Respublikasi Bosh prokurorining o‘rinbosari S. Samadov Qiziltepa tumanida bo‘lib, investitsiya dasturlari, tegishli qaror va farmonlar asosida mahallalar infratuzilmasini yaxshilash, aholiga qulay shart-sharoitlar yaratish bo‘yicha amalga oshirilayotgan ishlar bilan tanishdi.

Xususan, Malikobod mahallasida qurilayotgan "Yangi O‘zbekiston" massividagi uy-joylar, poliklinika, maktabgacha ta’lim tashkiloti qurilishi, 8-DMTTning rekonstruksiya qilinayotganligi, Oboddiyor mahallasidagi ichimlik suvi tarmog‘i tortish bo‘yicha qilinayotgan ishlar bilan tanishildi.

Bosh prokuror o‘rinbosari mavjud ahvol bilan tanishar ekan, aholi uchun qulay sharoitlar yaratish borasidagi qilinayotgan ishlarni jadallashtirish bo‘yicha mas’ullarga zaruriy topshiriqlar berildi.
———————————————
БОШ ПРОКУРОР ЎРИНБОСАРИ ҚИЗИЛТЕПАДА

Ўзбекистон Республикаси Бош прокурорининг ўринбосари С. Самадов Қизилтепа туманида бўлиб, инвестиция дастурлари, тегишли қарор ва фармонлар асосида маҳаллалар инфратузилмасини яхшилаш, аҳолига қулай шарт-шароитлар яратиш бўйича амалга оширилаётган ишлар билан танишди.

Хусусан Маликобод маҳалласида қурилаётган "Янги Ўзбекистон" массивидаги уй-жойлар, поликлиника, мактабгача таълим ташкилоти қурилиши, 8-ДМТТнинг реконструкция қилинаётганлиги, Ободдиёр маҳалласидаги ичимлик суви тармоғи тортиш бўйича қилинаётган ишлар билан танишилди.

Бош прокурор ўринбосари мавжуд аҳвол билан танишар экан, аҳоли учун қулай шароитлар яратиш борасидаги қилинаётган ишларни жадаллаштириш бўйича масъулларга зарурий топшириқлар берилди.

4-IDUM O‘QUVCHILARI 100 MILLION SO‘M YUTIB OLISHDI

O‘zbekiston Respublikasi Prezidentining “O‘zbekiston Respublikasida xorijiy tillarni o‘rganishni ommalashtirish faoliyatini sifat jihatidan yangi bosqichga olib chiqish chora-tadbirlari to‘g‘risida”gi qaroriga asosan O‘zbekiston Respublikasi Prezidentining sovrini uchun “Xorijiy tillarni o‘qitish bo‘yicha eng yaxshi maktab” tanlovining Qiziltepa  tuman bosqichi 5-IDUMda o‘tkazildi.

Tanlovning yakuniy natijalariga ko‘ra,

1-o‘rinni 4-IDUM o‘quvchilari;
2-o‘rinni 27-umumiy o‘rta ta’lim maktabi o‘quvchilari;
3-o‘rinni 8-umumiy o‘rta ta’lim maktabi o‘quvchilari qo‘lga kiritishdi.

Taqdirlash marosimida tuman Maktabgacha va maktab ta’limi bo‘limi boshlig‘i U. Kamolov ishtirok etib, barcha ishtirokchi, tashkilotchi va mas’ullarga o‘z minnatdorchiligini bildirib, mukofotlarni egalariga topshirdi.
——————————————
4-ИДУМ ЎҚУВЧИЛАРИ 100 МИЛЛИОН СЎМ ЮТИБ ОЛИШДИ

Ўзбекистон Республикаси Президентининг “Ўзбекистон Республикасида хорижий тилларни ўрганишни оммалаштириш фаолиятини сифат жиҳатидан янги босқичга олиб чиқиш чора-тадбирлари тўғрисида”ги қарорига асосан Ўзбекистон Республикаси Президентининг соврини учун “Хорижий тилларни ўқитиш бўйича энг яхши мактаб” танловининг Қизилтепа  туман босқичи 5-ИДУМда ўтказилди.

Танловнинг якуний натижаларига кўра,

1-ўринни 4-ИДУМ ўқувчилари;
2-ўринни 27-умумий ўрта таълим мактаби ўқувчилари;
3-ўринни 8-умумий ўрта таълим мактаби ўқувчилари қўлга киритишди.

Тақдирлаш маросимида туман Мактабгача ва мактаб таълими бўлими бошлиғи У. Камолов иштирок этиб, барча иштирокчи, ташкилотчи ва масъулларга ўз миннатдорчилигини билдириб, мукофотларни эгаларига топширди.