ЎАТАН Тарағанбыз Едигедей ҳасылдан, Тарийхым бар әсирлерден а | 🌳Қарақалпақ Байтереклери🌳

ЎАТАН

Тарағанбыз Едигедей ҳасылдан,
Тарийхым бар әсирлерден асынған,
Маманбий ол шаш түсирмей шашымнан,
Қорғаў десе көзге сүрме басылған.

Айдос баба айбатланған айбатлым,
Соқпақлардан жүрген таслы тайғақ дым,
Шегеси ол ҳәр бир үйде шарбақтың,
Қорғаў десе көзге сүрме басылған.

Ол елимниң Алакөзли баласы,
Қумар ана болған алып анасы,
Ҳәр бир үйдиң қабырғасы даласы,
Қорғаў десе көзге сүрме басылған.

Жерим деген елжиреген жүреги,
Аллаярым қарақалпақ тиреги,
Ҳәр бир үйдиң есигинде илмеги,
Қорғаў десе көзге сүрме басылған.

Ўатандарлық өтмиш урыс тағы бар,
Ел деп сөнген қанша батыр саны бар,
Ҳәр бир үйдиң тәғдийринде жаны бар,
Қорғаў десе көзге сүрме басылған.

Тыныш болғай елим шадлы бостанда,
Алла қоллап мәңги таңы атқанда,
Байрақ пенен қуяш күлип аспанда,
Тынышлық деп шашқай нурын шашқанда.

Жаңабай Анетеев

канал: @qaraqalpaq_bayterekleri