2023-03-08 18:06:48
AYOLAyolsiz tong otmas, kelmaydi nahor,
Ayolsiz kuz-qishing bo‘lmaydi bahor.
Ayolsiz befoyda, yashash ham, chunki
Yuraksiz hayotdan nima maʼni bor?
Gulsiz jozibali bo‘lmagandek bog‘,
Toshsiz salobatli bo‘lmagandek tog‘,
Qoshsiz bo‘lmagandek, hech qachon qabog‘,
Ayolsiz dunyoning borligi bekor!
Onang sevgisi — bu tengi yo‘q sehr,
Opa-singillaring hamrohi mehr,
U jufti haloling, yo‘ldoshing axir,
Ayolsiz bo‘lgaysan muhabbatga zor!
Shirin so‘zlaringni qizg‘onmay so‘zla,
Ularga baxt berish maqsadin ko‘zla,
Oyog‘in ostidan JANNATni izla,
Ayolsiz jannat ham ko‘zlaringa tor!
Vafo ro‘molini bo‘yniga boylab,
Kutishga tayyordir haftalab, oylab,
Bizni balolardan yurganda poylab.
Ayolsiz ishingda bo‘lmagay baror.
Yetti o‘lchab tuzar, barcha rejani,
Sanaydi har doim kuzda jo‘jani,
Devor bo‘lsa hamki, ko‘rar ko‘chani,
Ayolsiz naf bermas qilingan qaror!
Tilayman Allohdan sizni qo‘llashni,
Ko‘ngilda baxtingiz mangu gullashni,
Xushnud burch deb bildi tabrik yo‘llashni,
Ayolsiz bitilmas edi bu ashʼor!
2011-yil, Xushnudbek (shoirlikka daʼvomiz yo‘q lekin, bizniki shunchaki qatorga terilgan so‘zlar xolos)* * *
Barcha moʻtabar onajonlarimizni, mehribon opa-singillarimizni, go‘zallikda tengsiz qizlarimizni bayramlari bilan tabriklayman! Baxtimizga har doim sog‘-omon bo‘lishlaringizni tilayman.
@xushnudbekuz
15 views15:06