2023-12-01 14:05:22
Қашқадарё вилоятида аҳолига бирламчи тиббий хизматларни янада яқинлаштириш, оналар ва болалар ўлимини қисқартириш, болалар ўртасидаги ирсий касалликларни олдини олиш мақсадида Белоруссия ва Туркия давлатлари билан ҳамкорликда тиббий бригадаларнинг 225 нафар дояларини “Соғлом оилани шакллантириш” мавсусида 5 ойлик ўқув курсида ўқитиш ишлари амалга оширилмоқда.
Тиббиёт ходимларининг касбий малакасини ривожлантириш маркази томонидан 2023 йил 27-29 ноябр кунлари Беларуссия давлатининг мутахассислари томонидан “Репродуктив саломатлигини сақлаш концепцияси”, “Ҳомиладорлик даврида боланинг антенатал ва перинатал парвариш ”, “Инфекцион касалликларни олдини олиш ва тиббиёт муассасаларда инфекцион назорат”, “Неонатал даврида учрайдиган асоратлар”, “Ҳомиладорликда қон кетиши”, “Ҳомиладорлик даврида камқонлик ва уни олдини олиш”, “Ҳомиладорлик асоратлари”, “Қандли диабет билан касалланган ҳомиладорни олиб бориш” мавзулари бўйича ўқув машғулотлари ўтказилди.
Шунингдек, амалиёт ўқув машғулоти Қарши шаҳар Кунчиқар, Отчопар, Нахшаб, Равоқ, Эски Анхор, Бунёдкор, Хонтепа маҳаллаларида ташкил этилган “Соғлом оила” хоналарида ташкил этилиб, амалиёт жараёнида оналар ва болаларга касалликларни олдини олиш бўйича патронаж хизматини кўрсатишни ўргатиш, репродуктив саломатлик, никох гигиенаси, ҳомиладор аёлни туғруққа тайёрлаш масалаларида маслаҳатлар бериш, замонавий клиник протоколлар ва стандартлар асосида назарий билимларини ошириш ва амалий кўникмаларини такомиллаштириш, оналар ва болалар ўлимини қисқартириш, туғма ва ирсий касалликлар профилактикаси самарадорлигини ошириш, ҳомиладор аёлларни скринингдан ўтказиш, ҳомиладорларни антенатал кузатувини ташкил этиш, исталмаган ҳомиладорликдан сақланиш усуллари, контрацептив воситаларини тўғри қўллаш бўйича маслахат беришга ўргатилади.
26.3K views11:05
Ў
