Ижтимоий тармоқларда “Айтишларича ҳозиргина Юнусободдан Гангага келишда спарк ва матиз ағдарилиб кетибди” номли хабар юзасидан маълумот
2022 йил 19 феврал куни соат тахминан 22:55ларда Шайхонтоҳур тумани, Себзор кўчасидаги йўл ўтказгич устида “Матиз” русумли ҳамда “Спарк” русумли транспорт воситалари иштирокида йўл-транспорт ҳодисаси содир бўлган.
Натижада “Спарк” русумли транспорт воситасининг икки нафар йўловчиси шифохонага мурожаат қилган.
Ушбу ҳолат юзасидан Тошкент шаҳар ИИББ ЙҲХБ томонидан суриштирув ҳаракатлари олиб борилмоқда.
Барча ҳайдовчилардан белгиланган тезлик оширмасдан йўл ҳаракати қоидаларига риоя қилишларини тавсия қиламиз.
