Mirarab.uz | Расмий канал

2021-02-12 20:33:36 Басралик бойлардан бири кемада сафарга чиқиб, бир халта тилло эвазига чўри сотиб олди. Унинг исми Ҳусн эди. Ҳусннинг ўзи ҳам, овози ҳам жуда гўзал эди. Тор чалиб, қўшиқ куйлар ва чиройли рақсга тушарди.Бой чўрисини олиб кемага минди ва Басра томон йўлга отланди. Шамол тўхтаб, денгиз тўлқини тинди...
https://www.mirarab.uz/ruknlar/432 Ochish/sharhlash

2021-02-12 15:19:30 Ухлаганда қорин билан ётиб бўлмайди деб эшитдим. Шу ростми?

Muhammad Ayyub domla HOMIDOV

Youtube | Tas-ix | Facebook | Instagram

#Диний_савол_жавоб
Мир Араб олий мадрасаси
расмий каналига обуна бўлинг!
@MIRARABUZ Ochish/sharhlash

2021-02-12 13:58:41 ​​#Аъзо_бўлинг

Ўзбекистон мусулмонлари идорасига тасарруфидаги Олий диний таълим муассасалари 3 та:

Тошкент ислом институти:
Телефон рақам: 71-227-42-37
Сайт: www.oliymahad.uz
Телеграм канал: @oliymahad, @Imom_Buxoriy_uz

Мир Араб олий мадрасаси:
Телефон: 95-604-45-97
Сайт: www.mirarab.uz
Телеграм канал: @mirarabuz

Ҳадис илми мактаби:
Телефон: 66-240-20-51
Сайти: www.hadith.uz
Телеграм: @hadithuz



Ўзбекистон мусулмонлари идорасига тасарруфидаги ўрта махсус диний таълим муассасалари 10 та:

Кўкалдош:
Телефон: 71-249-30-90, 71-244-48-27
Сайт: www.kukaldosh.uz
Телеграм: @kukaldoshuz

Хадичаи Кубро:
Телефон: 71-299-24-11
Сайт: www.xadicha.uz
Телеграм: @xadichauz

Саййид Муҳйиддин Махдум:
Телефон: 99-971-12-08, 74-228-00-91
Сайт: www.maxdum.uz
Телеграм: @maxdumuz

Ҳидоя:
Телефон: 69-226-60-60
Сайт: www.hidoya.uz
Телеграм: @hidoyauz

Хожа Бухорий:
Телефон: 75- 542-72-25
Сайт: www.xojabuxoriy.uz
Телеграм: @Xojabuxoriy

Имом Термизий:
Телефон: 97-389-06-50
Сайт: www.termiziy.uz
Телеграм: @termiziylar

Мир Араб:
Телефон: 95-600-45-97, 65-224-10-11
Сайт: www.mirarabmadrasa.uz
Телеграм: @mirarabmadrasa

Жўйбори Калон:
Телефон: 65-221-77-44
Сайт: www.juyborikalon.uz
Телеграм: @juyborikalon

Фахриддин ар-Розий:
Телефон: 95-602-70-21, 95-606-92-55
Сайт: www. arroziy.uz
Телеграм: @arroziyuz

Муҳаммад ал-Беруний:
Телефон: 61-229-03-20, 61-229-03-26
Сайт: www.alberuniy.uz
Телеграм: @alberuniyuz



Олий таълим вазирлигига қарашли Ўзбекистон халқаро ислом академияси:
Телефон: 71-244-50-76, 71-244-96-13
Сайт: www.iiau.uz
Телеграм: @iiau_official

*Ислом академияси Ўзбекистон мусулмонлари идораси тасарруфида эмас. Ochish/sharhlash

2021-02-12 13:37:41 "Намоздан кейин жамоат билан дуо қилиш бидъат"ми?

Батафсил...
Ochish/sharhlash

2021-02-12 12:34:01 АМАЛ
Умавийлар қўмондонларидан бири Маслама ибн Абдулмаликнинг даврида мусулмонлар бир ғазотда бир қалъани қамал қилдилар. Мусулмонларга жуда қийин бўлди. Насронийлар тепадан камон ўқи ёғдиргани сабабли қўшинга кўп азият етди.
Маслама ибн Абдулмалик шундай деди:
- Ким тешикдан кириб дарвозани очади? Агар шаҳид бўлса жаннатга киради. Агар эсон-омон тешикдан ўта олса дарвозани бизга очиб беради.
Тешик деганимиз қалъа остидаги сув ўтадиган тор ариқ эди.
Шунда юзига ниқоб тортган бир киши чиқиб:
- Мен кираман бу ариққа, деди.
У ариқ орқали кириб такбир айтди, жанг қилиб қалъа дарвозасини очди. Мусулмонлар қалъага ҳужум қилишди. Ўша номаълум ниқобли қаҳрамон хизмати туфайли мусулмонлар ғалаба қозонди.
Маслама у кишини мукофотлаш учун кимлигини билишни хоҳлади. Жангдан кейин қўшинга қараб деди:
- Ҳалиги ниқобли киши қани?
Ҳеч ким жавоб бермади. Яна сўради. Ҳеч кимдан садо чиқмади. Ниҳоят Маслама деди:
-Мен ҳожибимдан у киши келса олдимга киритишни амр қилдим. Мен ўз ҳуқуқимдан фойдаланиб бунга қарор қилган эдим( Маслама амирга итоат қилиш вожиблигига ишора қилаяпти).
Кечаси ниқобли киши Масламанинг ҳожибининг олдига келиб:
- Менинг киришим учун изн сўра, деди.
Унга рухсат берилди. У киргач Маслама сўради:
- Тешикдан кирган сенмисан?
- Мен у ҳақда хабар бермоқчиман.
Улар ёлғиз қолгач ниқобли киши Масламага деди:
- Ниқобли киши учрашиш учун сизга учта шарт қўймоқда:
1. Унинг орқасидан одам қўймайсиз.
2. Унинг исмини сўрамайсиз.
3. Унга ҳеч нарса амр қилмайсиз.
Маслама деди:
- Майли, шундай бўлақолсин.
Ҳалиги ниқобли киши ҳаё билан деди:
- Ўша ниқобли киши менман эй қўмондон!
Кейин у тезда чиқиб кетди. Маслама уни танимай қолди.
Шундан сўнг Маслама қачон намоз ўқиса шундай деб дуо қиладиган бўлди:
"Аллоҳим! Қиёмат куни мени ниқобли киши билан бирга қилгин!".

Ҳар-бир қиладиган яхшилигингни сақлаш учун ҳужжат қилиб қўйишинг шарт эмас. Аллоҳ таоло бу вазифа учун маълум фаришталарни мукаллаф қилиб қўйган. Хотиржам бўл. Амалинг ёзилади, савобинг сақланади.
Ҳар-бир қилган яхшилигингни кишилар кўриши шарт эмас. Ҳар-бир тўйдирганинг оч қорин билан суратга тушишинг шарт эмас. Муҳтожларга қилган ёрдамингни, уришиб қолганлар орасини тузатганингни, ҳар-бир артган бировлар кўз ёшини, мазлумга олиб берган ҳаққингни ўзгалар билиши, кўриши шарт эмас.
Қилган ишинг Аллоҳнинг иродаси билан ошкор бўлиб қолса бу Унинг карамидир. Аммо ўзинг қўлингдан келганича қилган амалингни яширишга ҳаракат қил.
Қанча-қанча солиҳ амаллар инсонлар кўриши туфайли соҳибининг нияти бузилиши оқибатида бекорга чиққан, ҳабата бўлган. Бора-бора инсон қилган амалини бошқаларга кўрсатишдан мазза қиладиган бўлиб қолади Аллоҳ сақласин!
Аллоҳ таоло ҳадиси қудсийда марҳамат қилади:
"Мен ширкдан энг беҳожатларнинг беҳожатиман. Ким бир амал қилиб у амалида Мендан бошқани Менга шерик қилса унинг ўзини ҳам, ширкини ҳам тарк қиламан!".

@Mirarabuz Ochish/sharhlash

2021-02-12 12:21:53 СИЗНИНГ ҲУЗУРИНГИЗГА УВАЙС ИБН ОМИР КЕЛАДИ
Умар ибн Хаттоб розиёллоҳу анҳу халифалик даврларида Ямандан кишилар ҳаж қилгани келишса улардан: “Ичингизда Увайс ибн Омир борми?”, дея сўрар эдилар. Улар: “Йўқ” дейишар эди. Кунлар ўтиб Яман аҳлидан бир қанча кишилар яна ҳаж қилгани келишди. Одатларига кўра Умар розиёллоҳу анҳу сўрадилар:
-Орангизда Увайс ибн Омир борми?
Улар:
-Мана бу Увайс ибн Омир дейишди.
Умар ибн Хаттоб розиёллоҳу анҳу ундан сўрадилар:
-Сен Увайс ибн Омирмисан?
Увайс:
-Ҳа, деди.
-Сен Муроддан, сўнгра Қаронданмисан?
-Ҳа.
-Сен олдин пес касаллиги билан оғриб, сўнгра ундан тузалиб, фақатгина бир дирҳам миқдорида қолганми?
-Ҳа.
-Сенинг онанг бору, сен унга яхшилик қиласанми?
-Ҳа.
-Мен Расулуллоҳ саллоллоҳу алайҳи ва салламдан эшитган эдим. У зот шундай деган эдилар: “Сизнинг ҳузурингизга Яман аҳли билан бирга Увайс ибн Омир келади. У Муроддан, сўнгра Қарондандир. Унда пес касаллиги бор эди. Ундан тузалиб фақатгина бир дирҳам миқдорида қолган. Унинг онаси бор. У онасига яхшилик қилади. Агар у Аллоҳга қасам ичса Аллоҳ уни бажо қилади. Агар ундан сенга истиғфор айтишини сўрай билсанг ундан истиғфор айтишини сўра”.
Мен учун истиғфор айт!
Бас, у Умар розиёллоҳу анҳу учун истиғфор айтди.
Умар розиёллоҳу анҳу унга:
-Қаерга боришни истайсан, дедилар.
У:
-Куфага, деди.
Умар розиёллоҳу анҳу:
-У ернинг омилига мактуб ёзиб берайми, дедилар.
Увайс:
-Заифҳол ва оддий инсонлар ичида бўлишим ва мени одамлар танимаслиги мен учун маҳбуброқдир, деди.
****

Қачон оддий инсонлар билан суҳбат қилсангиз бу қиссани эсланг. Эҳтимол уларнинг ичида ҳеч ким танимайдиган Увайслар бордир. Дуоси ижобат бўлар!
Қаердан биласиз, эҳтимол сиз эътибор бермасдан ўтиб кетадиган шаҳар ободонлиги учун меҳнат қилиб юрганлар ичида шунақалар бордир. Сиз таниган машҳурлар унга ета олишмас?!
Қаердан биласиз, эҳтимол сиз олдидан тез ўтиб кетадиган арзимас нарсалар сотиб ўтирган киши ёки бемор кечалари ўқийдиган намозлари билан сиздан афзалдир. Унинг сизга махфий ибодатлари бордир. Аммо Аллоҳга махфий эмас?!
Қаердан биласиз, эҳтимол сиз назарингизга илмаган ҳайдовчи жаннатдан ўзига жой ҳозирлаб қўйгандир. Унинг акасидан етим болалар қолгандир. У Аллоҳ учун машина ҳайдаб уларни боқиб тарбия қилаётгандир. Эҳтимол у эрталаб ва кечқурун юраги тубидан Аллоҳ учун тиловат қилар, барча инсониятга яхшилик соғинар?!
Шифокорлар, муҳандислар, амалдорлар, машҳурлар ичида Аллоҳнинг дўстлари бўлиши ман қилинмаган. Аммо бу ерда яшириниб ётган фикр инсонларга эътиборсиз бўлмаслигимиз, ташқи кўринишга алданмаслигимиздир. Умар ибн Хаттоб розиёллоҳу анҳудек зот ҳар куни Увайсни суриштирар эдилар. Зеро унинг хабарини Расулуллоҳ саллоллоҳу алайҳи ва саллам берган эдилар.
Ҳар куни олдидан эътиборсиз ўтиб кетаётганинг оддий инсонларга эътиборли бўл. Инсонлар қадрини ўлчайдиган асбобингни ўзгартир!

@Mirarabuz Ochish/sharhlash

2021-02-12 07:02:51 Имом Мотуридий адашмаган

Имом Мотуридий Аҳли сунна вал жамоа ақидасини шарҳлаш ва ёритиб беришда муҳим рол ўйнаган атоқли исломий шахсиятлардан бири ҳисобланади.

Батафсил http://mirarab.uz/ruknlar/429

@MIRARABUZ
Ижтимоий тармоқларда бизни кузатинг:
Telegram | Facebook | Instagram | Youtube Ochish/sharhlash

2021-02-11 12:53:12 #Buxoroxayriya

Вақф фонди раҳбари Олий мадраса талабалари билан учрашди

@MIRARABUZ | @vaqfuz Ochish/sharhlash

2021-02-11 12:47:37 #Улуғлар_ҳаётидан

Гўзал хотима

Устозим Муҳаммад Амин қори дада ҳафизаҳуллоҳ ўз оталарини шундай ёдга оладилар: Отам– Олимжон домла роҳимаҳуллоҳ Фарғона вилоят Бувайда туманида яшаб ўтганлар. Касблари дурадгор, у киши Қуръони каримни тўлиқ ёд олган қори бўлмаганлар, аммо туркий тилига жуда мутахассис, диний илмда юксак даражада бўлганлар. Ўзлари Аллоҳнинг каломидан 8 пора (Ясин сурасидан нас сурасигача) ёд олганлар.
Ҳавас қиларлик жойи шундаки, ҳар куни мана шу 8 порани кун давомида бир бора ёддан тиловат қилиб қўяр эдилар. Масалан: бомдод намозидан сўнг "ясин" сурасидан "фатҳ" сурасигача, пешиндан кейин яна бир қанчасини, хуллас уйқу вақтигача тўлиқ ёддан ўқиб ўткизар эдилар.
У зотга ўлим соати келганида Қуръондан кунлик вазифани адо этаётган эди. Аллоҳ таоло отамнинг жонини Ўз каломининг тиловат қилаётган пайтида олди. Аллоҳ гуноҳларини авф этсин.
Аллоҳ барчамизга шу каби гўзал хотима берсин. Амин.

Мир Араб олий мадрасаси
расмий каналига обуна бўлинг!
@MIRARABUZ Ochish/sharhlash

2021-02-11 12:07:20 Қалдирғоч

Фироқ яқин, кетмоқ азоб,
Кетмоқликни кутмоқдаман.
Соғинч келур, ҳижрон азоб,
Соғинишдан қўрқмоқдаман.

Узтозларим қадрин билиб,
Гоҳо билмай армондаман,
Кеч бўлса ҳам бошим уриб,
Надоматда ғамҳонаман.

Нафс куйига бўйин эгиб,
Юзим қаро, тўлғонаман.
Борар жойим мажҳул этиб,
Мажнун каби сарсонаман.

Вақтлар ўтди, энди кечдир,
Қолмоқ учун имконим йўқ.
Ўз уйимдек қўним топкан,
Мадрасамнинг меҳмониман.

Эй мадрасам! Қалдирғочинг,
кузатмоққа парвонасан.
Ёйдинг менга сен қулочинг,
Парвозимдан қўрқмоқдаман.

Мир Араб олий мадрасаси 4-курс талабаси Абдуллаев Абдулҳамид

Мир Араб олий мадрасаси
расмий каналига обуна бўлинг!
@MIRARABUZ Ochish/sharhlash