2023-02-28 20:10:35
26 траўня ‘22
Лазавое. Частка 1. Гэта была задача па штурму пазіцый русні. Мы тады не ведалі, але як пасля апынулася мы проста павінны былі адцягнуць увагу, а сапраўдны наступ быў паўночней і паўднёвей за нас.
Прыехалі, рыхтаваліся да наступу. Яго перанеслі на дзень, гэта класіка. Памятаю як перад выхадам мы сядзелі і слухалі музыку, гэта супакойвала.
І вось каманда на выхад. Шлі ўначы праз палі. Мы нагружаныя былі як валы, яшчэ і ваганетку для мінамётаў цягнулі. Нічога яшчэ не адбылося, а мы ўжо заябаліся.
Пасля была пераправа праз раку. Уначы, пад гукі абстрэлу.
Выйшлі мы значыцца на ўскраіну леса, нам кажуць «зараз будзе працаваць арта, пасля пяхота і мы». Ну мы думаем зараз як у кіно ўсё там будзе палыхаць. Ха-ха, тры стрэлы і па рацыі кажуць «гатова». Гэта коратка пра працу арты.
Ну лады думаем, пойдзем на кропку адкуль мы павінны заходзіць у вёску. Дайшлі на кантрольнай кропкі і «Брэст» кажа «збірайцеся, ідзем на штурм». Тут варта патлумачыць, што мы ўвогуле павінны былі ахоўваць мінамёты. Але ж гэта «Брэст» і ў адзін момант мы ператварыліся ў авангард штурма.
Выйшлі ўжо да вёскі, пакуль шлі знайшлі расцяжкі. Выехалі «бэхі» і танкі, ўсё пачало гудзець, пачаўся бой.
Камандзір ГУРа «Горькій» выйшаў наперад і даў нам каманду, што можна заходзіць у вёску. Мы зайшлі, дзесці наперадзе (~250 метраў) распачаўся стралковы бой паміж нашымі і руснёй.
Увесь час шлі і бачылі пакінутыя бліндажы. Рускія беглі з поля бою. Дайшлі да паловы і доўга сядзелі на мясцовым КСП. Па нам страляў танчык і арта, рухацца было немагчыма.
У гэты момант затрафеілі шмат чаго, ў тым ліку рацыі. Памятаю, што яны не працавалі, былі заблакаваны. Я ўзяў іх і увёў простыя паролі тыпу 1111, 0000, нешта спрацавала і яны разблакаваліся. Знайшоў патрэбны канал і мы пачалі слухаць як расейцы рапартуюць «нас выбілі, нашыя акружаны, нам патрэбна дапамога». Таксама чулі як карэктуюць арту па нам.
Выбачайце, коратка не атрымалася, будзе і другая частка
140 views17:10