Муҳаббат нималигини биласизми? Муҳаббат - овқат сузаётиб | Marvarid_dil
Муҳаббат нималигини биласизми?
Муҳаббат - овқат сузаётиб мушукнинг ризқини ҳам ажратиб беришдир!
Муҳаббат - тўкилган нон увоқларини ҳовлидаги қушларга илинишдир!
Муҳаббат - Ҳовли оша қўшнининг уйига кириб борган овқат иси туфайли уларга ҳам таомдан илинишдир!
Муҳаббат - Ўзингиз бирор неъматга етишганда дарҳол дўстингиз кўз олдингизга келишидир!
Муҳаббат - Чумолиларга озор бериб қўймаслик андишаси билан ерни оҳиста босишдир!
Муҳаббат - Пешонангиз саждага текканда бу неъматдан мосуво яқинларингизга ҳам ҳидоят исташингиздир!
Муҳаббат - азиз инсонларнинг эшигини соғинишдир!
Муҳаббат - соғинчдир, дарддир, ҳасратдир, ғамдир, қувончдир, йиғидир, табассумдир, маҳзунликдир, Ишқдир!
Дилбар Ражабова
@Dilbar_Rajabova