Sen meni eng baland notada sevding, Sollanib boradi bunda o | Kumush Odina Qarshiboyeva
Sen meni eng baland notada sevding, Sollanib boradi bunda ohanglar. Va qo'yding olamning ko'ksiga ilkis Ismimni mufassal rangda muhrlab.
Hali odamdayin yashamay turib Odamday sevildim, ey ahdi boqiy. Ont ichding manguga tilandim deya Ishqing sotib qo'ygan parilar haqqi!
Bir hovuch oy yanglig' kaftingda balqqan Nekqadam hislaring tolei raso. Qarasang, ko'zlaring bu dunyoga yot, Ko'zlarim ko'zingga oid, qarasam...
Seni chorlayotir qahrabomisol Kipriklar ostida og'u qalqadir. Anglaming: dunyoning to'rt burchi yolg'on Faqat bir yo'l qolgan manzili qadim- Boshida men borman, so'nggida Xudo!
Shunday yuksak sevding, ohanglar o'ktam, (Faqat og'ir botar sevgisizligim)! Nahot tushunmaysan azizim axir So'nggida barcha kuy topgach nihoya Mangu qolajakmiz Sen, men va sevgim, Men seni sukunat kuyida sevdim!
Koʻnglim qolgani yoʻq yorugʻ olamdan,. Xayolimda yoʻqdir na viqor, na kin. Baribir bir kuni sizdan ketaman. Qayga ketganimni bilmaydi hech kim. (Usmon Azim). ★★★. kanal kundalik rejimida yu...