Жайдари ҳазиллар ташрифномаси

2022-09-10 18:00:06 ​​— Ўша сеҳрли сўзни яна ва яна эшитгим келяпти, хоним! Қайта-қайта айтинг.
— Сиз кредитни тўлаб бўлдингиз, жаноб!

@jaydari_hazillar | халқона ҳазиллар Ochish/sharhlash

2022-09-10 17:05:00 Раҳбарига қулоқлик қилиб, "пахта"ларнинг энг олий навидан қўйиб, тезда ўсиб кетадиганлар "Титан" гелга ўхшайди...

@jaydari_hazillar | халқона ҳазиллар Ochish/sharhlash

2022-09-10 05:00:01 ​​Арслон қўрқадиган ягона махлуқ бу, унинг хотинидир. Агар хотинингиздан қўрқсангиз, билингки, демак сиз арслон экансиз.

P.S.: Энди хотинидан қўрқадиганларга "ҳе латта!" деб эмас, "ҳа арслон!" деб мурожаат қиламиз...

@jaydari_hazillar | халқона ҳазиллар Ochish/sharhlash

2022-09-09 09:01:04 ​​​​Талаба

Орзуингдир минг имтиёз ичра гумдон, талаба.
Сенга ҳамдард ота-она, илму урфон, талаба.

Сўйласин оғзи қийшиқ бўлса хам имтиёз олғонлар,
Максимал балл олғон бирлан мағлуб бўлғон, талаба.

Ал-Беруний, ал-Хоразмий, ал-Фороб авлодидан
Чиқмаганди бу қадар илми пайҳон, талаба.

Ўтдилар шўрлик бошингдан, ўйнатиб имтиёзни
Ҳарбию органга бўлган қизу ўғлон, талаба.

Туздию каттаконлар имтиёзлар жадвалин,
Воҳ, нечун отанг бўлмади ахли орган, талаба!?

Абитуриент наърасига акс-садо берди Хушнуд,
Сенга-чи, энди ким бўлғай балогардон, талаба.

Дардингни битмакка, бирад, мингта Фирдавсий керак
Чунки битта ечган тестинг - мингта достон, талаба.

Ортда қолди ширин хаёл, ортда қолди режалар
Келди вақтинг, борму нақдинг, жонли ҳамён, талаба.

Сенга Оксфорд бир жаҳону, сенга Стенфорд бир жаҳон,
Орзуси НамДУ, ТерДУ ё ГулДУ бўлғон талаба.

Бўлди осмонинг қоронғи мандат рўйхати ила,
Шунча балл олиб ҳамки, бюджет армон, талаба.

Сен Буюк юрт ўғлидирсан, сен отанг фарзандисан.
Ишла, дипломни қилма сандиқда пинҳон, талаба.

Имтиёз деб кенг жаҳонга не учун ҳажв этмайин,
Бундай ғалат неъматга бор бизда имкон, талаба.

Қайда бўлсанг бошинг хамдур, жим юрарсан писмайиб,
Чунки дерлар: “Қуллуқ булсин, оши қачон, талаба?”

Бу хажвиям сенга, бирад, онлайн дарс ҳурмати,
Контрактинг тўлаб, уйда ургин жавлон, талаба.

Шоир Шармандий

@jaydari_hazillar | халқона ҳазиллар Ochish/sharhlash

2022-09-09 04:57:35 — Устоз бизнинг футболчилар ҳужумда яхши ўйнайдими ё ҳимояда?
Устоз жавоб берди:
— Эҳ бўтам, бизнинг футболчилар тўйда зўр ўйнайди, тўйда...

@jaydari_hazillar | халқона ҳазиллар Ochish/sharhlash

2022-09-08 11:00:21 Соқолли кишининг қўлидаги ўғилчаси тинмай, чинқириб йиғларди. Соқолини қиртишлаб олган бир кишининг болага раҳми келди ва уни отасининг қўлидан олди. Қизиқ, болакай бу кишининг қўлида тинчланди. Фурсатдан фойдаланиб, бу киши мазах қилди:
- Сиз соқоллилардан, ҳатто, ёш болалар ҳам қўрқишади.

Ота жавоб қилди:
- Бола сизни онаси деб ўйлади...

@jaydari_hazillar | халқона ҳазиллар Ochish/sharhlash

2022-09-08 10:06:01 Пенсия жамғармаси - энг катта молия пирамидасидир: ҳамма пул ажратади, аммо фақат тирик қолганлар уни олади.

@jaydari_hazillar | халқона ҳазиллар Ochish/sharhlash

2022-09-08 04:46:34 Бир ташкилотга янги раҳбар тайинланибди. Эски раҳбар эса кетиш олди янгисига учта қоғозча берибди ва ҳар сафар бошига иш юзасидан муаммо тушганида навбати билан ўқишни тайинлабди.

Янги раҳбар роса маишатга ўч экан. Еб-ичиб, ташкилотни абгор ҳолатга келтирибди ва бирдан текширувчилар келадиган бўлиб қолибди. Нима қилишини билмаган раҳбар ноилож биринчи қоғозчани очибди. Унда “Ҳамма айбни ўзингдан олдинги раҳбарга тўнка, ҳозир жон куйдириб ишлаётганингни ва тез орада ташкилотни оёққа турғизишни ваъда бер” деб ёзилган экан. Раҳбар ёзилганидек қилибди ва текширувлардан эсон-омон ўтиб олибди.

Маишат қилиб юрганида яна текширувчилар келибди ва яна иккинчи қоғозчани очишга мажбур бўлибди. Унда эса “Ҳали ёшлик қилганингни, келгусида тажрибангни ошириб, камчиликларни бартараф этишни ваъда бер” деб ёзилган экан. Раҳбар ёзилганидек қилиб, текширувлардан яна қутилиб кетибди.

Раҳбар яна маишат қилиб юрганида яна текширувчилар келиб қолибди. Сўнгра учинчи қоғозчани ҳам очишга мажбур бўлибди. Унда “Учта қоғозча билан ўрнингга битта раҳбар топ!” деб ёзилган экан.

@jaydari_hazillar | халқона ҳазиллар Ochish/sharhlash

2022-09-07 19:05:04 Хитойнинг Тибет тоғи ғорларидан мумиёланган руҳонийнинг жасадини топишибди. Аниқланишича, унинг ёши 3500 дан зиёд экан. Қизиғи, у ҳали тирик, бироқ чуқур кома ҳолатида.

Тоғнинг совуқ ҳавоси асрлар мобайнида жасадни етарли кислород билан таъминлаган, қон айланишини меъёрида ушлаб турган. Яна жасад атрофидан турли ҳайвонлар суяк ва терилари топилган бўлиб, кийик терисининг бир парчасига қуйидаги битиклар ёзилган экан:
"Қачон Ўзбекистон терма командаси жаҳон чемпионатига чиқса, мени уйғотинг."

@jaydari_hazillar | халқона ҳазиллар Ochish/sharhlash

2022-09-07 19:00:05 #Сандиқчали_савол

Бу саволнинг жавобини ҳар ўн кишидан тўққизтаси топа олмаган. Сиз топа оласизми? Қани, бир уриниб кўринг-чи:

У сувда дунёга келади, қуёш уни тарбия қилади, онасига қайтганда эса у ҳалок бўлади. Уни аёллар ҳар куни кўради, эркаклар эса гоҳида.

Диққат, савол: сандиқча ичида нима бор? Ochish/sharhlash