2022-10-30 17:44:03
KISHI KOʻNGLINI OGʻRITMANG...
Kibrli kishi sadaqa soʻrab kelgan faqirni hech narsa bermay quvgani yetmagandek, yuziga eshikni qattiq yopdi. Muztar boʻlgan tilanchi ne qilarini bilmay kalovlandi, soʻng bir chetga oʻtirib, yigʻlab yubordi. Shu yaqinda oʻtirgan koʻziojiz odam yigʻi tovushini eshitib, uning yoniga keldi. Hol-ahvol soʻradi. Faqir nima boʻlganini aytdi. Nogiron kishi unga tasalli berdi:
– Xafa boʻlma. Menikiga yur, mehmonim boʻl, bir burda nonimni birga baham koʻramiz.
Nogiron kishi mehmonnavozlik koʻrsatdi. Uning uyida faqirning ham qorni toʻydi, ham koʻngli koʻtarildi. Chin dildan duo qildi:
– Sen koʻnglimni koʻtarding, menga uyingni eshigini ochding. Qodir Alloh taolo sening koʻzlaringni ochsin! Faqir ketdi. Oʻsha kuni oqshom koʻr kishining koʻzlari ochildi. Bu xabar bir zumda butun shaharga tarqaldi, takabburning ham qulogʻiga yetdi. Xabar toʻgʻrimi, notoʻgʻrimi, bilish uchun koʻr kishining uyiga keldi. Xabar rost ekanini koʻrgach, hayrat bilan soʻradi:
– Juda omadli ekansan, koʻzing qanday ochildi oʻzi?!
– Ey gʻofil banda! Shunday muborak odamni eshigingdan quvding, koʻnglini ogʻritding. Oʻtkinchi mol-mulking bilan kibrlanib, Alloh taolo senga yuborgan muqarrar xayrni boy berding. Koʻzlarim sen eshigingdan quvgan oʻsha faqirning duolari tufayli ochildi, dedi.
– Oʻzimga zulm qilibman, dedi kibrli kishi afsuslanib. Adashdim, menga yuborilgan baxt qushini qadrlamadim Eh, attang...
Kanalga Obuna boʻling
➥ @habibim_m
28.5K views14:44