Қўшма Штатларнинг собиқ контрразведка агенти Моника Уитт сиртдан Эронга жосуслик қилганликда айбланмоқда. Бу ҳақда АҚШ Адлия вазирлиги хабар берган.
Уитт 2013 йилда Эронга қочиб кетган ва гўёки ўшандан бери Эроннинг тезкор ходимларига унинг собиқ ҳамкасбларига қарши ҳаракат қилишда ёрдам берган. Бундан ташқари, у эронликларга Пентагон дастурларидан бирининг коди номи ва махфий сирларини очиб берган, дейилади вазирлик хабарида.
Бундан ташқари, америкалик аёл билан бирга Эрон фуқаролари ҳам айбланмоқда.
«Моника Уитт Эрон режимига юқори даражадаги разведка дастурини ва АҚШ разведка хизмати зобитининг шахсини ошкор қилганликда айбланмоқда», – деди Бош прокурорнинг миллий хавфсизлик бўйича ёрдамчиси Жон Демерс.
«Шунингдек, Эрондан тўрт нафар хакер АҚШ разведка ҳамжамияти аъзолари, Уитт хонимнинг собиқ ҳамкасбларига қаратилган турли хил компютер жиноятларида айбланмоқда», – дея қўшимча қилган у.
O‘zbekiston Konstitutsiyasi 29-modda. Har kim fikrlash, so‘z va e’tiqod erkinligi huquqiga ega. Har kim o‘zi istagan axborotni izlash, olish va uni tarqatish huquqiga ega....
