Hujjatlarni o'zbek tilida ham qilish kerak Davlat xaridlari p | G'azna

Hujjatlarni o'zbek tilida ham qilish kerak

Davlat xaridlari portalidagi hujjatlarning ko'pi rus tilida bo'ladi. Bu yaxshi emas.

Hozir til masalasida provokatsion narsa yozmoqchimasman. Rus tilini juda yaxshi bilaman va bu man uchun muammo emas.

Muammo shundaki, davlat xaridlarini o'rganuvchi jurnalist kadrlar yetishib chiqishi qiyin bo'ladi.

Manga ba'zi ba'zida yozishadi qanday o'rgansa bo'ladi, tushunmayapmanku deb. Ularning orasida rus tilini bilmaydiganlar ham bor. Buni ustiga rus tilini bilmaydigan aholi vakillari qancha.

Tender hujjatlarini o'zbek tilida qilinishi va rus tiliga tarjimasi yuklanishi tarafdoriman. Aks holda bu ma'lumotlar faqat rus tilini biluvchilar uchun bo'lib qolyapdi.

Yaqinda Moliya vazirligiga davlat xaridlari bo'yicha takliflar ro'yxatimni yuboraman. Aslida bir oy avval yuborishimni kelishgandik, bu yo'nalishda yozmay qo'yganimga yarim yil bo'lgani uchun, ishlab yana qanday muammolar borligini tushunay deb indamay turgandim.

Vazirlik odatda asosli takliflarni inobatga oladi, o'zim misolimda aytishim mumkin. Avval man va boshqalar bergan ba'zi takliflar mevasini hozirgi ba'zi qulayliklar ko'rinishida yeyapmiz.

@gazna1