Темир йўлларда коррупцияга қарши курашнинг аҳволи Ижтимоий та | Фахрий Темирйўлчи
Темир йўлларда коррупцияга қарши курашнинг аҳволи
Ижтимоий тармоқларда Президентнинг 2021 йил 6 июлдаги ПҚ 5177-сонли қарори билан 2021 йил 1 октябрдан бошлаб барча давлат органлари ва (давлат улуши 50 фоиздан юқори) ташкилотларда коррупцияга қарши ички назорат тузилмаси фаолияти йўлга қўйилиши айтилмоқда.
Қарорга кўра, коррупцияга қарши ички назорат тузилмаси коррупция ҳолатларини барвақт аниқлаш ва олдини олиш, уларнинг сабаб ва шарт- шароитларини бартараф этиш, манфаатлар тўқнашувига йўл қўймаслик ҳамда коррупцияга нисбатан муросасиз муносабатни шакллантириш чораларини кўриш учун масъул ҳисобланади.
Назорат тузилмалари ўз фаолиятида бевосита ташкилотнинг биринчи раҳбарига бўйсунади, бу мазкур тузилмаларнинг мустақил равишда фаолият юритишини таъминлайди.
Аммо, бироқ, лекин... бу қарор ҳам, монополлашган Ўзбекистон темир йўлларида қандай ишлайди.... буни вақт кўрсатади.
Чунки, икки йил олдин Президентнинг қарори билан давлат ташкилотларида худди шунга ўхшаш, яъни коррупцияга қарши курашувчи тузилма ташкил этилиши кераклиги кўрсатиб ўтилган эди.
Орадан шунча вақтни ўтказиб, минг баҳоналардан сўнг, шу йилнинг май ойида темирйўлларда коррупцияни олдини олиш тузилмаси ташкил этилди. Тузилмага, Темирйўлхисоб бошқармаси бошлиғи ўринбосари Умид Тошхўжаев бошлиқ этиб тайинланди.
Умидга биринчи вазифа сифатида Қўқон РЖУси фаолиятини ўрганиш, молиявий махинацияларни аниқлаш юклатилиб, хизмат сафарига жўнатилди.
Натижада, Қўқон РЖУси текширилганда 5 млрд дан ортиқ давлат маблағларини талон-тарож қилинганлиги аниқланди.
Бу орада Қўқон РЖУ бошлиғи, Гарри Потер - Бахтиёр Миллажонов зудлик билан Тошкентга келиб, ўз рахнамоси Чумчуқ - Х.Хосилов билан учрашиб кетди.
Энг қизиғи шундан кейин бошланди... давлат маблағларини талон-тарож қилганлигини аниқлаган тузилма раҳбари Умиджон ишдан бўшатилди, текширувда қатнашганларга хайфсан берилиб, яна шунақа ҳолатни аниқласа ишдан бўшатилиши ўқтирилди. Ана сизга мантиқ, ана сизга халоллик!
Гарри Потер эса олдингидан икки баробар қўрқмасдан жамиятнинг пулларини еб битиришда давом этмоқда.
Энди оддий савол, камомадни аниқлаганлар чумчуқ томонидан ишдан бўшатилгандан кейин, ким юрак ютиб коррупция ҳақида хабар бера олади... Ахир бу Президент сиёсатига қарши чиқиш, давлатга, соҳага, Халқга нисбатан хиёнат эмасми?
