2022-08-28 16:02:17
Бешта йўналишдан исталган бирини танласа бўладими?
ЖАВОБ: Йўқ, танлаб бўлмайди.
Кўпчилик бешта йўналишга ҳам балим етган бўлса, исталган бирини танлаб ўқийман, деб ўйлаяпти. Бу хато фикр.
Абитуриентлар ҳужжат топшираётганда устуворликни белгилаган ҳолда бешта йўналишни кетма-кет танлашган. Шунингдек, давлат гранти ва тўлов-контракти бўйича ҳам устуворликни аллақачон белгилаб бўлишган.
Энди якуний жавоблар чиққандан кейин абитуриентлар ўқишга кирган йўналишларини ўзгартира олишмайди. Устуворлик бўйича қайси йўналишга кирганини компьютернинг ўзи белгилаб беради. Mandat.dtm.uz сайтида қайси йўналишнинг усти яшил, сариқ ёки қизил рангга бўялиб турган бўлса, ўша йўналишга кирган бўлади. Пастда ҳам кирган йўналиши номи ёзилган бўлади. Буни ўзгартириб бўлмайди.
Шунингдек, айримлар аллақачон "перевод" ҳақида ўйлашни бошлади. Мен фалон жойга кирибман, шуни 1 йилдан кейин пистон жойга кўчира оламанми, деган саволлар ҳам кўпайди. Йўқ, бўлмайди. Переводни ўйлаб ўтирманг. Агар ҳозир ўқишга кирган жойингиз ёқмаса ёки узоқлик қилса, 4 йил қийналгандан кўра, ўқимай қўя қолинг. Бунақа жойни бошиданоқ танламаслик керак эди. Бешта йўналиш танлаш бу сизга берилган ҳуқуқ, лекин мажбурият эмас.
@xushnudbek
156 viewsJamshidbek Yoqubov, 13:02