"Чимён" санаторияси Республикамиздаги энг йирик даволаниш зоналаридан ҳисобланади. Ҳудуди қарийб 30 гектарни ташкил эиб, у ердан табиий равишда чиқувчи водород сульфидли шифобахш сув эса нафақат юртимизда, балки минтақамиздаги ягона манбаа ҳисобланади. Лекин минг афсус, ушбу санатория бугунги кунда, оилавий тузилган "гуруҳ" томонидан бошқарилади ва шунинг учун кундан-кунга мавқейи тушиб бормоқда.
Санатория қарийб 40 йил мобайнида Карим Раҳмонов томонидан бошқарилган. 2018-йилдан буён эса санатория раҳбари унинг ўғли Дилшод Раҳмонов. Лекин ҳозирги раҳбар отаси каби қаттиққўл эмас. Бугунги кунда санаториянинг масъул лавозимида ишлаётган кадрларнинг деярли барчаси бир-бирига қариндош ва ўз мутахассислиги бўйича маълумотга эгамас. Агар бегона шахслар ишга кирмоқчи бўлса, яхшигина маблағ эвазига ишга тайинланади.
