Ekologiya vazirligi | Министерство Экологии | Ministry of Ecology

2022-10-03 08:52:35 Hurmatli fuqarolar!

Fuqarolar ishtirokidagi audit tizimida nazorat obyektlarini tanlash jarayoni 1-oktabrdan 10-oktabrgacha o‘tkazilmoqda! (davlatauditi.uz).

Tanlash jarayonida ishtirok eting va budjet mablag‘larini yanada samarali sarflanishiga o‘z hissangizni qo‘shing! Ochish/sharhlash

2022-10-03 07:39:59 Яна бир ноёб тур тасвирга олинди

Ўрта Осиё қундузи йўқ бўлиб кетаётган, ТМХИ Қизил рўйхатига ва Ўзбекистон Қизил китобига киритилган сутэмизувчи ҳайвон тури ҳисобланади.

Давлат экология қўмитаси тасарруфидаги "Қизилқум" давлат қўриқхонаси ходимлари томонидан қўриқхона ҳудудида бир неча бор учратилган бўлса ҳам тасвирга олишнинг имкони бўлмаган эди.

Қўмита томонидан тақдим этилган фотоқопқонлар орқали қундуз тасвирга олинди ҳамда қўриқхонанинг ҳайвонот дунёси яна бир турга бойигани аниқ маълумот сифатида киритилди.

Тарқалиши: Ўтган асрнинг ўрталаригача Сирдарё, Зарафшон, Амударё ва унинг қуйилишида кенг тарқалган. Сўнгги ярим асрда ареали кескин қисқарган, ушбу тур фақат Ҳисор-Олой тоғи дарёсидагина қайд этилган. Ғарбий Тянь-Шанда борлиги ҳақида маълумотлар йўқ.

Яшаш жойлари: Тошқин тоғ дарёлари, шунингдек, текислик дарёлари ва қайир кўлларида ҳаёт кечиради. Балиққа бой чучук сув ҳавзалари яшаши учун қулай муҳит ҳисобланади. Ochish/sharhlash

2022-10-02 23:34:08 Ҳолат жойига чиқиб ўрганилди

Ижтимоий тармоқлар орқали Чорвоқ сув омборига канализация оқова сувлари оқиб тушаётгани ҳақида эълон қилинган хабар юзасидан Давлат экология қўмитаси раиси Н.Обломурадов бошчилигидаги ишчи гуруҳ томонидан Тошкент вилояти Бўстонлиқ туманида ўрганиш ўтказилди.

Тошкент табиатни муҳофаза қилиш прокуратураси билан ҳамкорликда ўтказилаётган ўрганишлар давомида Бўстонлиқ тумани Новобод маҳалласидаги “Чорбоғ оромгоҳи”нинг юқори ҳудудида "Чимгонсой" сойидан оқиб ўтувчи сувлар автомобиль йўлининг таг қисмидаги қувур орқали сув омборига қуйилаётганганлиги, хабарда келтирилгани каби сув омборига маиший ва ишлаб чиқариш оқова сувлари оқизилмаётгани маълум бўлди.

Шундан сўнг мутахассислар томонидан лаборатория таҳлили учун сувдан намуналар олинди.

Ишчи гуруҳи томонидан Чорвоқ сув омбори атрофида жойлашган хизмат кўрсатиш объектлари, тадбиркорлик субъектлари, жумладан, меҳмонхоналар, пансионатлар ва бошқа аҳоли дам олиш масканларининг оқова сувларни тозалаш ҳолати, шунингдек, Бўстонлиқ туманида аҳоли ва туристлар учун қулай шароитлар яратиш, мавжуд инфраструктурани янада яхшилаш, чиқинди тўплаш шахобчалари ва чиқинди қутилари тармоғини кенгайтириш масалалари ўрганилмокда.

Давлат экология қўмитаси матбуот хизмати Ochish/sharhlash

2022-10-02 23:34:06 Ochish/sharhlash

2022-10-02 19:51:25 Тошбақалар ҳайвонот боғига топширилди

Аввал хабар қилинганидек, бугун Тошкент шаҳрининг Яшнобод туманидаги Янгиобод ихтисослашган бозорида Давлат экология қўмитаси томонидан тезкор рейд тадбири ўтказилди.

Тадбир давомида давлат инспекторлари томонидан 3 та ҳолатда ноқонуний равишда сотилаётган жами 63 та тошбақа тегишли тартибда олинди ва қонуний тўхтамга келингунга қадар вақтинчалик Тошкент ҳайвонот боғига топширилди.

Шунингдек, Қизил китобга киритилган ушбу ноёб ҳайвонларни қонунга зид равишда сотаётган фуқароларга нисбатан Ўзбекистон Республикаси "Маъмурий жавобгарлик тўғрисидаги кодекси"нинг тегишли моддаларига асосан ҳужжатлар расмийлаштирилиб, белгиланган тартибда чора кўрилишини таъминлаш мақсадида ҳуқуқ тартибот идораларига топширилди.

Давлат экология қўмитаси Матбуот хизмати. Ochish/sharhlash

2022-10-02 17:05:13 Yangiliklar 24 | Daraxtlarning yagona elektron bazasi shakllantirilmoqda
#2oct #uzbekiston24 Ochish/sharhlash

2022-10-02 16:04:48 Расмий муносабат

Ижтимоий тармоқларда Тошкент шаҳри Яшнобод туманидаги Янгиобод ихтисослашган бозорида айрим шахслар томонидан ноқонуний равишда Қизил китобга киритилган ноёб турдаги қушлар ва ҳайвонлар сотилаётгани тўғрисида тарқалган хабар Давлат
экология қўмитаси инспекторлари ҳамда Ички ишлар ва Миллий гвардия ходимларидан иборат тузилган ишчи гуруҳ томонидан жойига чиқиб ўрганилмоқда.

Ҳозирда ушбу бозорда ишчи гуруҳ томонидан йўқолиб бораётган ноёб қушлар ва ҳайвонларнинг ноқонуний савдоси билан боғлиқ ҳолатлар аниқланиб, қонунга зид равишда савдо билан шуғулланаётган шахсларга нисбатан тегишли чоралар кўрилмоқда.

Мазкур ҳолатнинг натижалари бўйича қўшимча хабар берилишини маълум қиламиз.

Давлат экология қўмитаси Матбуот хизмати Ochish/sharhlash

2022-10-02 09:20:33 Ўзбекистон Республикаси Президенти Шавкат Мирзиёев Венгрия томонининг таклифига биноан 3-4 октябрь кунлари расмий ташриф билан ушбу мамлакатда бўлади.
—
По приглашению венгерской стороны, Президент Республики Узбекистан Шавкат Мирзиёев 3-4 октября посетит Венгрию с официальным визитом.

#Mirziyoyev #tashrif #Vengriya #hamkorlik

Prezident.uz|Facebook|Instagram|YouTube|Twitter Ochish/sharhlash

2022-10-01 18:46:47 Ижтимоий тармоқларда Тошкент вилояти, Зангиота туманидаги "Toshkent shahar suv ta'minoti" МЧЖга қарашли Бўзсув аэростанциясидан чиқаётган, етарли даражада тозаланмаган сувлар Бўзсув каналига ташланаётганлиги тўғрисида тарқатилган хабар Давлат экология қўмитаси раиси Н.Обломурадов бошчилигидаги Ишчи гуруҳ томонидан жойига чиқиб ўрганилди.

Ўрганиш давомида Тошкент шаҳридаги трикотаж маҳсулотлари ишлаб чиқарувчи корхоналарнинг иш жараёнларида ҳосил бўладиган оқова сувлари бирламчи локал тозалаш иншоотига тозаланмасдан, тўғридан-тўғри ташланаётанлиги, натижада аэростанциянинг сув тозалаш самарадорлиги пасайиб кетганлиги ва сувнинг ранги ўзгаришига сабаб бўлгани аниқланди.

Давлат экология қўмитаси раиси корхона мутасаддиларига аниқланган камчиликларни бартараф этиш, бирламчи локал тозалаш иншоотининг белгиланган меьёрлар асосида ишлашини қатъий назоратга олиш, бунинг учун эса Корея тажрибаси синовидан ўтган электрон мониторинг тизимини (ифлослантирувчи моддаларни электрон ўлчаш ускунаси) ўрнатиш юзасидан фикр-мулоҳазаларини билдириб, сув тозалаш иншоотларига ифлослантирувчи моддаларни меъёридан ортиқча ташлаб келаётган корхоналарнинг қонуний жавобгарлигини таъминлаш келгусида бундай ҳолатларнинг олдини олишда юқори самара беришини таъкидлади.

Келгусида Тошкент вилояти Экология ва атроф-муҳитни муҳофаза қилиш бошқармаси билан "Toshkent shahar suv ta'minoti" МЧЖга қарашли Бўзсув аэростанцияси ўртасида мавжуд камчиликларни бартараф этиш, мунтазам равишда тизимли ҳамкорликни йўлга қўйиш юзасидан таклиф ва тавсиялар берилди.

Тошкент вилояти Экология ва атроф-муҳитни муҳофаза қилиш бошқармаси. Ochish/sharhlash

2022-10-01 18:46:41 Ochish/sharhlash