2022-02-18 15:30:29
#imtiyozlar
Harbiy qism qo‘mondonligi tavsiyanomasi
Harbiy qism qo‘mondonligi tavsiyanomasi O‘zbekiston Respublikasi Qurolli Kuchlari safida muddatli harbiy xizmatni o‘tagan va yuksak natijalarga erishgan harbiy xizmatchilarga beriladi.
Tavsiyanomaga ega bo‘lgan fuqarolar quyidagi
imtiyozlarga ega bo‘ladi:
Oliy ta’lim muassasalariga (harbiy ta’lim muassasalari bundan mustasno) kiruvchilar uchun qabul parametrlaridan tashqari qo‘shimcha ravishda
alohida qabul ko‘rsatkichlari belgilanadi.
Alohida qabul ko‘rsatkichlari har bir oliy ta’lim muassasasining har bir ta’lim shakli (kunduzgi, kechki, sirtqi) bo‘yicha belgilanadi.
Tavsiyanomaga ega abituriyentlar alohida qabul ko‘rsatkichlari doirasida tanlovda ishtirok etib, oliy ta’lim muassasasiga o‘qishga kirish imkoniyatiga ega bo‘ladi.
Alohida qabul ko‘rsatkichlari doirasida tanlovda ishtirok etib o‘qishga kira olmagan abituriyentlar, umumiy tanlovda ishtirok etib o‘qishga kirishi mumkin bo‘ladi.
Oliy harbiy ta’lim muassasalari uchun esa abituriyentlarga to‘plagan ballarining
50 foizi miqdorida qo‘shimcha ball beriladi (misol uchun, abituriyent test sinovida 120 ball to‘plasa, unga 60 ball qo‘shib beriladi).
Tavsiyanomaning amal qilish muddati
uch yil.
Asos: O‘zbekiston Respublikasi Prezidentining 2012-yil 31-maydagi PQ-1765-son qarori.
O’zbekiston Respublikasi Vazirlar Mahkamasining 2019-yil 17-avgustdagi 681-son qarori bilan tasdiqlangan nizom.
Harbiy qism qo‘mondonligi tavsiyanomasining
namunaviy shakli quyida keltirilgan.
Safimizga qoʻshiling https://t.me/joinchat/AAAAAEqdgz9bZOF2EA4iLg
1.2K views12:30
D
