Po’latjon Omanov

2023-03-08 03:26:06 Ассалому алайкум, қадрли талабалар ва кузатувчилар!

Сиз социолингвистик компетенция ва уни бизнинг кундалик турмуш тарзимизда қандай аҳамиятга эгалиги ҳақидаги маълумотлардан аввалги постларим орқали маълум даражада
хабардорсиз. Сизга навбатдаги саволим қуйидагича:

Ижтимоий-маданий компетенциянинг маъноси нима?
Ижтимоий-маданий компетенция бизнинг кундалик турмуш тарзимизда қандай аҳамиятга эга?
Ижтимоий-маданий компетенцияга эга бўлмаган инсон мулоқот жараёнида қандай қийинчиликларга дуч келади?

Батафсил мисоллар билан жавоб берган кузатувчиларимга махсус совға тақдим этилади.

Жавобларингизни кутаман!

https://t.me/dean_oriental_philology Ochish/sharhlash

2023-03-08 03:08:59 Ассалому алайкум!

Меҳри дарё онажонларимиз, латофатли опа-сингилларимиз ва гўзалликда тенгсиз барча қизларимизни бугунги ажойиб кун 8 - март байрами билан муборакбод этаман!

Бахтимизга доим соғ-омон бўлинг!

Талабаларимиз томонидан тайёрланган қизиқарли видеролик! Сиз учун махсус!

@dean_oriental_philology Ochish/sharhlash

2023-03-06 05:22:46 Яхши яшамоқ учун яхши ишламоқ зарур, шу заминда дадил турмоқ учун кўп билмоқлик даркор.
М. Горкий

Ассалому алайкум, азиз ўқувчим!

Юқоридаги Горкий бобомиз томонидан айтилган иборада тўғри таъкидланганидек, инсон яхши яшаши учун ишлаши керак. Яхши ишда ишлаб, юқори маошга эга бўлиши учун эса билим талаб этилади. Инсон нечоғлик ўз касбининг мутахассиси бўлса, у ўз касбида шунчалик юқори кўрсаткичларга эришиши мумкин.

Қадрдон дўстим, мени Сизга айтадиган гапларим жуда кўп. Уларни имкон топишим билан каналга жойлаб бораман. Ҳозир эса эътиборимни жалб этган, тиришқоқ талабаларимга шахсий хабар тарзида ўқиган китобларидан иқтибослар ва асардан олган тассуротларини юборганлари учун миннатдорлик билдираман. Сиз тўғри йўлдасиз! Бугун керакли жойда, керакли вақтда бўлдингиз. Вақтингизни китоблар орасида ўтказиб, яна янги маълумотларга, билим ва кўникмаларга эга бўлдингиз. Кейинги якшанбада кутубхонага дўстингизни ҳам таклиф қилинг. Севимли асарнинг мутолаасидан сўнг, биргаликда муҳокама қилинг. Ва доимгидай, менга асар ҳақидаги фикрларингизни ёзиб юборишни унутманг!

Дарвоқе, талабаларим орасида нафақат китобларни севиб мутолаа қилувчи, балки ўзи ҳам ижод қилишга иқтидори бор дўстларимни кўриб, ижодларини ўқиб, хурсанд бўлдим! Яна янги ижодий ишларингизни кутаман! Ижоднинг сеҳрли ва сирли оламига қўйган қадамларингиз муборак бўлсин! Ижозатингиз билан уни каналимда эълон қилиб бораман.
Янги ўқув ҳафтангиз омадли келсин! Фақат юқори баҳоларга ўқинг! Биз Сизни доим қўллаб-қувватлаймиз!

Ҳурмат билан Пўлат Хабитович Оманов

https://t.me/dean_oriental_philology Ochish/sharhlash

2023-03-02 16:04:44 "FUJIFILMga suratga olamiz" nomli fotoko'rgazma

2023 yilning 9 mart kuni soat 10:00da O‘zbekiston Badiiy Akademiyasi Ikuo Xirayama Xalqaro madaniyat karvon saroyining kichik ko’rgazmalar zalida "FUJIFILMga suratga olamiz" nomli fotoko'rgazmaning ochilish marosimi bo‘lib o‘tadi.

Kirish bepul.

Ma’lumot uchun telefonlar: 71-256-35-56, 71-252-30-88

*****************

Фотовыставка "Снимаем на FUJIFILM"

10 марта 2023 года в 10:00 в малом выставочном зале Международного караван-сарая культуры Икуо Хираямы Академии художеств Узбекистана, состоится церемония открытия фотовыставки "Снимаем на FUJIFILM".
Вход свободный.

Справки по тел.: 71-256-35-56, 71-252-30-88

Website Facebook Telegram Ochish/sharhlash

2023-03-02 15:01:24 Қайси йўлни танлашингиз ўзингизга боғлиқ. Фақат ҳозирги танловингиз келажагингизни белгилашини унутманг!

https://t.me/dean_oriental_philology Ochish/sharhlash

2023-02-28 17:52:54 8- Yuqori sinflar xalqaro fotosurat festivali (HIGASHIKAWA Youth Fest.)

Higashikawa 8-Yuqori sinflar xalqaro fotosurat festivalida ishtirok etish uchun arizalar qabul qilinishi e'lon qilinadi (2023-yil 18-maygacha).
Hokkaido, Higashiva - “Fotosuratlar shahri
Higashikava shahri Hokkaydoning markaziy qismida joylashgan bo`lib, Xalqaro almashinuv va foto san`at orqali, tabiatva madaniyat uyg'unligini
mujassam etgan shaharni dunyoga tanitishni maqsad qiligan holda, 1985-yil iyun oyida “Fotosuratlar shahri” deb e`lon qilingan
Yuqori sinflar xalqaro fotosurat festival maqsadlari
2015-yil Hokkaydoning “Fotosuratlar shahri” bo`lgan Higashikava shahri, kelajakda muvozanat va mo`tadillikka ega shaharni maqsad qilib, fotosuratlar san`ati asosida, dunyo xalqlarini birlashtirgan holda, kelajak avlod bo`lgan yuqori sinflarni o`zaro almashinuv orqali do`stlik doirasini kengaytirib, dunyoda tinchlikni yoyishini maqsad qilib festival o’tkazishni boshladi.
Higashikava o`zaro aloqa almashadigan mamlakatlar/mintaqalardan mavzuga muvofiq asarlar (fotosuratlar) kompozitsiyasini e`lon qiladi va har bir mamlakat/mintaqa tomonidan tanlangan maktablar Higashikavaga taklif qilinadi va yuqori sinflar orasida fotosuratlar orqali o’zaro almashinuv hamda do'stlik doirasini kengaytiradi.
Tanlov shartlari Yuklab olish

Website Facebook Telegram Ochish/sharhlash

2023-02-28 17:52:54 VIII Международный фотофестиваль среди школьников старшего класса （HIGASHIKAWA Youth Fest）
Объявляется прием заявок на участие в 8-ом Международном фотофестивале среди школьников старших классов в г. Хигащикава (до 18 мая 2023 г.)
Хигасикава «город-фото», Хоккайдо: Хигащикава «город-фото», Хоккайдо
Город Хигащикава находится почти в самом центре острова Хоккайдо в Японии. Посредством проведения международных обменов и культуры фото, город стремится стать местом наполненной яркой
гармонии между природой и культурой. В июне 1985 года был объявлен единственным в мире «Городом фото».
Цель проведения международного фотофестив Цель проведения международного фотофестиваля:
«Культурная столица фотографий» город-фото Хигащикава стремится сделать город местом баланса и гармонии. Являясь центром фото культуры для людей со всего мира, город Хигащикава впервые 2015 году организовал данный фестиваль для поддержки школьников с целью установления дружеских контактов, развития международного взаимопонимания и прочного мира во всем мире посредством
искусства фотографии. Принимаются работы на тему «Очарование местности» из стран и городов, перечисленных ниже, с которыми в настоящее время г. Хигащикава осуществляет программы международного обмен.
Условия конкурса: Скачать

Website Facebook Telegram Ochish/sharhlash

2023-02-27 14:29:39 Бир каналдаги ушбу видеолавҳа эътиборимни тортди ва Сизга ҳам илиндим.

Сиз ҳам ота-онангизнинг ишончини оқлайдиган фарзанд бўлинг! Биз бу йўлда Сизга кўмакчимиз. Фақат ИЛМгина Сизни орзуларингизга элтади.

https://t.me/dean_oriental_philology Ochish/sharhlash

2023-02-26 17:12:13 Шарқ филологияси факультетининг Япон тили назарияси ва амалиёти кафедраси томонидан Япониянинг 10 га яқин университетлари билан яқин алоқалар ўрнатилган. Кафедра ўқитувчиларининг 33 % ини япониялик профессор-ўқитувчилар ташкил этади. Аҳамиятли жиҳати шундаки, факультетда япон тили таълими жараёни Япония ўқув тизими асосида олиб борилади. Шунингдек, Япония ҳамкор университетларининг япон тили методикаси йўналиши битирувчилари малакавий амалиётини Шарқ филологияси факультетида ўташи йўлга қўйилган. Мунтазам равишда ҳамкор университетлар профессорлари томонидан маъруза ва семинарлар ўтказилиб келинмоқда. Бундан ташқари, доимий равишда "online workshop” лар ташкил этилган.
2023 йилнинг 25 феврал куни Япон тили назарияси ва амалиёти кафедрасида иш фаолиятини якунлаётган япониялик мутахассис Марино Ёшимура билан учрашув ўтказилди.
Марино Ёшимура ЎзДЖТУ талабалари билан қисқа муддатли шартномаси асосида олиб борган ўқитувчилик фаолияти унда катта таассурот қолдирганини, албатта Ўзбекистонга яна қайтишини таъкидлади. Учрашувда келгусида Япония университетлари билан ҳамкорлик алоқаларини янада кенгайтириш истиқболли режалар муҳокама қилинди.

https://t.me/dean_oriental_philology Ochish/sharhlash

2023-02-26 10:38:10 Бестселлер нима?

Бестселлер инглиз тилидан олинган ва икки қисмдан иборат сўз: best — энг яхши, seller — сотилувчи. Одатда шов-шув бўлиб, анчагина ададда сотилган, бир неча бор қайта нашрдан чиққан китобларга бестселлер дейилади.

Ўзбекча айтсак бўлмайдими?
Бу кўпгина тилларда бирдек қўлланадиган иборага айланиб улгурди. Ўзбекча харидоргир, талабгир каби муқобил сўзларни исталган яхши сотилган ва сотилаётган маҳсулот/хизматга нисбатан қўллаш мумкин. Аммо бестселлер ҳар қандай маҳсулотни эмас, айни маълум ададга эга китоб, мусиқий альбом, компьютер ўйинини назарда тутади.

Америкалик тарихчи Дэниэл Бурстиннинг бир қизиқ гапи бор: «Бестселлер — бу яхши сотилгани учун яхши сотиб олинган китоб». Яъни бестселлер ҳар доим ҳам энг қизиқарли, фойдали ёки бадиий жиҳатдан сифатли китоб бўлмаслиги мумкин. Одамлар у ҳақда кўп гапиргани, ўқишга лойиқ деб ҳар ерда бонг урилгани учун сотиб олинаётган, аммо жавонларда ўқилмай ётган китоблар қанчадан-қанча.

Демак, баъзида китоб бестселлерга айланиши маркетингга боғлиқ бўларкан.

Сиз қандай бестселлерларни биласиз?

xatoliklar

https://t.me/dean_oriental_philology Ochish/sharhlash