Даврон Файзиев

2021-04-18 08:26:38 Жанглар тонги

UFC ўрта вазнида собиқ жаҳон чемпиони Роберт Уаттакер яна чўққига қайтмоқда. Лас Вегасдаги турнирда австралиялик жангчи ўзининг азалий рақобатчиларидан бири Келвин Гастелум билан курашди. Барча 5 раунд давомида Роберт доминантлик қилди. Турли услубда ишлади ва Гастелумга имкон қолдирмади.
Адесаньяга чемпионликни бой бергач Уиттакер учта кетма-кет ғалабани қайд этиб асосий даъвогарга айланди. Адесанья реванш беришга мажбур бўлади.

t.me/Davron_Fayziev Ochish/sharhlash

2021-04-17 22:54:06 Флик кетади, ким келади?

Бавария билан барча титулларни қўлга киритган Ханс-Дитер Флик мавсум тугагач клубдан кетишини маълум қилди. Гарчи у кетиш сабаблари орасида терма жамоани келтирмаган бўлса ҳам, айнан шуни режа қилаётганини тушуниш мумкин. Германия миллий жамоасига жонлантириш терапияси керак. Флик эса энг яхши номзод. Баварияни ҳам у деярли сочилиб кетаётган ҳолатда қабул қилган. Уёғини биласиз. Юрген Клинсманн бошлаб берган тизим ҳам бузилмайди. Клинсманн-Лёв-Флик. Германия учун энг зўр, Бавария нима бўлади? Бу ерда сал мураккаблик бор. Фликдан кейин ишлаш қийин бўлади. ТОП мураббийлар жамики совринлар ютган мутахассисдан кейин мавқеини туширмаслик учун Мюнхен таклифини қабул қилмайди. Демак, захирасида озгина вақти бўлган ёш мураббий талаб этилади. Шунда бирдан натижа талаб қилинмайди. Шу билан бирга амбициялари Баварияга мос тушадиган. Обрўли ва қатъиятли, чунки таркиб ўзгаради, янги даврга ўтилади. Бир сўз билан айтганда - Юлиан Нагельсманн. Мен бошқа вариант кўрмаяпман.

t.me/Davron_Fayziev Ochish/sharhlash

2021-04-17 11:03:06 Бугун футбол

Пахтакор клуби Чемпионлар лигаси гуруҳ босқичи 2-турида Ироқнинг Air Force клуби билан учрашади. Бундан 2 йил авал 2019 йилда ушбу жамоалар плэй-оффда ўзаро ўйнашган ва Пахтакор 2:1 ҳисобида ғалаба қозонган. Ўша учрашув бошқа томони билан эсда қолган.
Иккинчи бўлим давомида Пахтакор стадионидаги чимни суғориш тизими ишлаб кетган. Нозосликни бартараф этиш ва сувни тўхтатиш учун анча вақт кетган. Натижада ҳакам ўйинга 24 дақиқа (!) қўшиб берган.

Эндиги учрашув Шаржада бўлиб ўтади. Биринчи турда ютқазган Ал Қувва Ал Жавиййа, яъни ҳаво кучлари жамоаси энди югуриб эмас учиб ўйнаши табиий. Уларнинг парвозини тўхтатиб, 3 очко олишга ўйлайманки Пахтакорнинг имкони етади. Икки йил аввалги суғориш ишлари бугун мева беришини кутамиз.

Осиё ЧЛ. Эйр Форс - Пахтакор
20:00 да UZREPORTTV Live
Биргаликда кўрамиз

t.me/Davron_Fayziev Ochish/sharhlash

2021-04-14 21:45:49 Дастин Порье - Конор Макгрегор трилогияси расман тасдиқланди. Жанг 10 июль куни Лас Вегасдаги Т-Мобайл аренада 264-жанглар кечасида ўтказилади. Ва энг муҳими трибуналар мухлисларга тўлдирилишини президент Дэна Уайт эълон қилди. Тўғри, олдинда бизни кутаётган UFC 261 да ҳам мухлислар киради, лекин унда фақат аренанинг 50% тўлдирилади.

t.me/Davron_Fayziev Ochish/sharhlash

2021-04-14 09:50:37 ПСЖ - Бавария учрашувининг энг яхши футболичиси - Неймар

t.me/Davron_Fayziev Ochish/sharhlash

2021-04-13 11:32:54 Бугун Чемпионлар лигаси чорак финал жавоб учрашувлари ўтказилади. Даражаси финалга тенг ПСЖ - Бавария қарама-қаршилигида савол очиқлигича қолмоқда. Бугун турнирни катта фаворитлардан бири тарк этиши аниқ. Меҳмонда 3:2 ҳисобида ғалаба билан қайтган ПСЖ қандай тактика қўллаши қизиқ. Мбаппе, Ди Мария ва Неймарлар ҳимояга қатадими ёки ўз услубидан воз кечмайдими? Бавария бу масалада бош қотирмайди, факат олдинга, фақат ҳужумга. Дастлабки учрашувни ҳам шу шиор остида ўтказган. Уринишлар 3 баробар кўп, голлар биттага кам. Энг юқори интригага эга ўйин бугун 23:55 дан бошлаб FUTBOLTV жонли эфирда кўрсатади. Шарҳда @xayrulla_hamidov билан биргамиз.
Ёқимли томоша!

t.me/Davron_Fayziev Ochish/sharhlash