Шавкат Мирзиёев ва Юн Сок Ёль Алоҳида стратегик шерикликни янада чуқурлаштириш ва ҳар томонлама кенгайтириш тўғрисидаги қўшма баёнотни имзолади.
Давлат ташрифи доирасида жами 17 та ҳужжат, шу жумладан, Корея Экспорт-импорт банки ва Hyundai Rotem компанияси билан тезюрар электр поездларини харид қилиш ва етказиб бериш тўғрисида битимлар имзоланди. Битимга кўра, 6 та тезюрар поезд харид қилиниб, Тошкент - Урганч - Хива йўналишига қўйилади. Жалолиддин Мангуберди деб номланадиган поезд масофани етти соатда босиб ўтади.
Корея Экспорт-импорт банки билан ўрта мактаблар учун фан, ахборот-коммуникация технологиялари ускуналарини етказиб бериш тўғрисида битим ҳам имзоланди.
