2022-06-27 19:53:52
Tadqiqot | 3-qism
Eng ko'p kopirayterlardan saboq olgan kopirayter, Jaydari kopirayter kanali admini
Doniyorbek Tursunov bilan savol-javob qildik!
1. Eng birinchi "ishingizni" qanday olgansiz? Qachon? Qanchaga?
Kopirayting sohasi haqida nazariy ma'lumotlarni olishim bilanoq 1-marta post yozishga harakat qilganman va uni qabul qilishmagan. Ertasi kuni 2-marta matn yozib ko'rganman va uni Modul5 sahifasiga joylashgan.
Keyin «Bonjour Paris»,«Modul5 seminar», «Let's go tour» loyihalariga reklama matnlarini tayyorlab berganman. Matn yozishni o'rganishim mana shunday real keyslar bilan bo'lgani uchun bu ishlarni o'zim olganman va bular mening 1-ishim deb aytolmayman.
Undan so'ng, 6-oktabr kuni Zuxriddin ustoz Freelance Uzb kanaliga reklama matni yoza oladigan kopirayter kerak deb e'lon bergan edilar. Shu vakansiya bo'yicha ularning bloglariga reklama matni yozgan edim. Kutilganidek, poster ko'ngildagidek chiqmagan, lekin Zuxriddin aka 30 ming so'm tashlab berganlar. Mana shu ish "Mening birinchi ishim bo'lgan" deb ayta olaman.
2. Ustozim deb hisoblaydigan kopirayter insoningiz kim(lar)?
Hamma insonni o'zimga ustoz deb hisoblayman. Chunki hayotimizga kelgan har bir inson bizga nimadir o'rgatib ketadi. Shu sababli hamma inson meni ustozim. Agarda kopirayting bo'yicha boshqalarga nisbatan ko'proq narsani o'rgatgan insonlar bo'lsa, bular: Abduazim ustoz, Zuxriddin ustoz, Anora ustoz, Ezozxon ustoz, Nurbek ustoz, Ne'matjon ustoz.
Yana imkoniyat bo'lishi bilan boshqa ustozlardan ham o'rgangan bo'lar edim. Nega deganda bitta ustozning bitta kursidan, hech bo'lmaganda bitta narsa o'rgana olsam, demak, men vaqtimni va pulimni bekorga ketkazmadim. Shu olgan bitta darsim butun ish faoliyatim davomida menga foyda keltirishi mumkin.
3. Bitta matn yozishga qancha vaqt sarflaysiz? (Eng ko'p va eng qisqa vaqtlar). Odatda reklama postlarini yozishga qiynalmayman, o'rtacha 5 daqiqadan 2 soatgacha vaqt ketadi. Biroq mana shunga o'xshagan postlarni yozishga juda ko'p vaqtim ketadi. Shu post boshlanganiga ham uchinchimi, to'rtinchimi kun bo'lyapti. Bu kabi matnlarga o'rtacha 2-4 soatdan 2-3 haftagacha vaqt ketadi. Aynan shu sabab juda kam post yozaman.
4. Mijoz bilan kelishuvda eng asosiy jihat(lar), nimaga ko'proq e'tibor berish kerak?
1) Hurmatingizni biling. Kelishuvda qanday muomala qilishsa, ish davomida ham shu munosabat katta ehtimol bilan saqlanib qoladi. O'zimdan kelib chiqib aytaman, kopirayter, TikTok admin ham, Instagram mutaxassis ham, kerak bo'lsa, montaj ustasi va loyiha menejeri ham bo'la oladi.
Lekin bularning hech biri kopirayterdek ish vazifasini bajara olmaydi. Shu sababli kompaniyaning rahbari bilan kelishsangiz ham, aslo o'zingizni bir qadam past sanamang! Sizning ularga emas, ularning Sizga ishi tushyapti.
2) Hozir bilan kelishing. Kelishuv paytida aytiladi: Hali yana 2-3 ta yangi loyiha olamiz/keyinchalik postlar 20 ta emas, 70-80 ta bo'ladi/Narxni 1-2 haftadan keyin oshiramiz. Bu kabi gaplar aytilishidan maqsad, kelishuvni o'zlarining foydasiga hal qilishmoqchi bo'lishadi.
Shu sababli hozir bilan gaplashing, "Ertaga..." deb aytsa, "Uni erta bo'lganda kelishamiz" deb aytish kerak: Ayni vaqtda, hozirgi holat bo'yicha gaplashamiz. Agar shu aytilgan vaziyatdan chetlashadigan bo'lsak, kelishuvimiz o'z kuchini yo'qotadi va ishimiz yakunlanadi yoki qaytadan kelishib olamiz.
3) Talab qo'ying. Kopirayterlar ko'pincha onlayn ishlaydi. Bu degani u frilanser. Demak, xohlagan payti matn yozib berish majburiyatini olmaydi. Bir oylik yoki haftalik reja oldindan olinadi. Juda bo'lmaganda, bir kun oldin vazifa haqida to'liq va aniq ma'lumot berilishi kerak.
"Srochna" degan so'zni ishlatish mumkin emas. Undan tashqari, kelishuvdan tashqari qilingan har bir ishga pul to'lanishi kerak. Yana o'zingizning holatingizdan kelib chiqib, Sizga yoqmaydigan narsalar haqida ham aytishingiz kerak. Masalan, menga hech qaysi mijoz kutilmagan qo'ng'iroq qilishi mumkin emas.
Davomi https://telegra.ph/Savol-javobning-davomi-06-26
505 views16:53