Ўхшагинг келган одам билан Ҳозир ёшсан. Дўстлик учун синфдоши | Qalam - Нуқтаи назар (Жиддий канал)

Ўхшагинг келган одам билан

Ҳозир ёшсан. Дўстлик учун синфдошинг ёки маҳалладагилардан бошқа танлов йўқ.

Лекин ёшинг катталашганда танлаб дўстлашишни бошлашинг керак

Идеал ҳолатда — ўзинг ўхшагинг келган одам билан дўст бўл

Муҳит кучли фактор, йиллар ўтиб ўхшаб қоласан.

Бу фақат дўст танлашда эмас

Иш танлаганда ҳам шундай қил. Ўзинг ўхшагинг келадиган одам қўлида ишла.

Пул ҳар қандай яхши қилинган ишда келаверади.

Етарлича пул топишни бошлаганингда — афсусланиб, ишингни алмаштирмайсан. Илм учун, шахсий ривожланиш учун қолаверасан.

Сен ўхшагинг келган одамлар сен билан дўст тутиниши, ишга олиши — осон бўлмайди.

Осон бўлса — нотўғри одамларни танлабсан.

Танловингни кучайтир, уларга арзиш учун эса, илм олишни бошла.

Вақт ўтиб, балки, мақсадингга эриша олмассан.

Лекин, илм олиб юрган бўлсанг — энди сени дўст сифатида танлашни бошлашади…



https://t.me/changeyourself_uz