2021-01-30 11:19:59
O'z sayyorangni o'zing supur!
(Daryo maqolasini o'qigandan keyingi fikrlarim)
"Қўчқоровнинг ўринбосари Шоҳрух Шоаҳмедов Сирдарё вилояти мисолида келтирган ҳолат эса барчанинг кулгисига сабаб бўлди. Маълум бўлишича, вилоятда тажриба тариқасида жорий этилган янги тизим маҳалладан 400 минг сўм атрофидаги нафақа пулини сўраб мурожаат этган оила ихтиёрида Captiva, Malibu ва Nexia борлигини аниқланган.
Бу мисол нафақалар ажратилиши ва сайёр қабуллардаги мурожаатлар билан боғлиқ шунга ўхшаш ажабтовур ҳангомаларни эсга солди.
Чекка туманлардан бирида уйини таъмирлашда кўмак сўраган оилага ҳомий сифатида бириктирилган ташкилот раҳбари ёрдамга отланибди. Уйга бориб, кўздан кечириб, 5 миллион сўмлик ҳисоб-китобни айтса, хонадон эгалари «биз сенга гадоймизми, уйни бошдан-оёқ таъмирлаб берасан», деб ҳайдаб солибди.
Бошқа туманда эса иши битмагани учун «учта боламни ўзларинг боқиб ол!» деб зарда қилиб, ҳокимликка фарзандларини ташлаб кетган аёлни зўрға орқасидан қувиб етишибди. «Опа, идорамизни болалар боғчаси билан адаштириб қўйдингиз чоғи», деб уввос солаётган болаларини қўлига тутқазишибди.
Ҳокимлик ходимларининг айтишича, аёлларини ёрдам сўрашга йўллаб, ўзлари натижасини машинасида кутиб ўтирадиган, каттакондан нима ундирганини ўсмоқчилайдиган эркаклар ҳам йўқ эмас. "
Men butun hayotim davomida tevarak-atrofimdagi hayotni yaxshilashga harakat qilib kelaman, bu faqat o'zim uchun emas. Bu siyosiy propoganda emas, balki ongli qaror.
Men hayotni yaxshilashdan qo'rqmayman. Uyda ham, ishda ham. Men yo'laklar, uylar, ko'chalar, shaharlar va atrofimdagi mamlakat yaxshiroq bo'lishini istayman. Oddiy bog'cha bolasidan tortib, universitet professorigacha o'zini madaniyatli tutishini xohlayman.
Men qaysi idorada kim o'tirgani va hammasiga javobgar bo'lgan odamlarni qoralash va la'natlashni istamayman, chunki mening hayotim bu haqida qayg'urish uchun juda qisqa.
Eng yoqimsiz pozitsiya - bu: "barcha ahmoqlar, o'g'rilar va yaramaslar boshqaruvdadir, ularga yordam bermaymiz, chunki ular bizning yordamimizni o'z hisoblariga ochko qilib yozadilar." deb hisoblashdir. Bu mutlaqo xato.
Bunday mavqega ega odamlar juda ko'p - ular yirik shaharlarda istiqomat qilishadi, ular o'zlarini oqil, aqlli, liberal, ma'rifatli deb bilishadi va o'zlarining mavqelari axloqiy jihatdan ustun ekanligiga aminlar.
Go'zal familiya va chiroyli yuzli bu odamlarning barchasi hokimiyat bilan hamkorlik qilishni istamasa, o'zlari bilishadi, men ungacha yashayotgan uyimizning kirish qismini ta'mirlab qo'ydim. Axlat chelakka axlatni eplab tasholmaydigan shaharda bu juda katta yutuq.
Bilasizmi, mening fikrimcha bizning qishloqlarimiz shaharlarimizga qaraganda ozodaroq. Men buni kuch bilan emas, balki o'z xohishlari qilishlariga aminman. Sizning konfort zonangizni kengaytirishning kuchga hech qanday aloqasi yo'qligini aniq tushuntirish uchun aytmoqchiman.
Agar siz yaxshiroq yashashni xohlasangiz, iloji bo'lsa, hoziroq boshlang. Mingta gap, mingta suhbat, majlislar foydasi har bir oila o'z hovlisi oldini supurib qo'yganidan kamroq foyda beradi. Hamma narsani qilib berishni hokimiyatdan kutish, yo kimdir qilib berishini kutish noto'g'ri.
Bu mening tezisim.
@boredpandablog
282 views08:19