Бобур Бобомурод расмий канали

2021-02-13 07:31:26 #eslatma

Ражаб ойи кириб келди.

Ражаб ойида ўқиладиган дуо

Анас ибн Молик розияллоҳу анҳудан ривоят қилинади:
«Ражаб ойи кирса, Набий соллаллоҳу алайҳи васаллам: «Аллоҳумма баарик ланаа фий ражабин ва шаъбана, ва баллиғнаа ромазона», дер эдилар».
Байҳақий ривоят қилган.

Маъноси: «Аллоҳим! Ражаб ва шаъбон ойларида бизга барака бергин ва Рамазон ойига етказгин».

PS. Ин шаа Аллоҳ, моҳи Рамазонга ҳам яқин қолди.

@bobur_bobomurod Ochish/sharhlash

2021-02-12 20:48:30 #ana_bomasa

Аср ўғирлиги...

@bobur_bobomurod Ochish/sharhlash

2021-02-12 20:00:55 http://t.me/bobur_bobomurod

#xalqaro_etirof

Ўзбекистонлик таниқли маданият тарғиботчиси, миллий мусиқамиз жонкуяри, моҳир созанда ва фотосуратчи Ҳусниддин Атонинг "Устоз ва шогирд" ва "Аския" номли икки фотоасари UNESCOнинг Марказий Осиё бўйича ҳудудий ваколатхонаси тақвимида чоп этилди.

Two works Husniddin Ato Photography "Master and student" and "Askiya" were published on the year calendar by UNESCO's cluster office of Almaty.

PS. Дўстимизни ушбу салмоқли ютуқ билан самимий табриклаб, янги зафарлар тилаймиз.

@bobur_bobomurod Ochish/sharhlash

2021-02-12 07:05:33 http://t.me/bobur_bobomurod

#ikir_fikrlar

Таржима: Марс планетаси 4,5 миллиард йил аввал шаклланган. Уни булутсиз тун пайти уфқда ёрқин қизил нуқта шаклида кўриш мумкин.

PS. Марс планетасидан сўрашибди: "Нега қизилсан?"
Марс: "Ерга қараб, ерликларни кўриб уятдан қизариб кетаман"- дер эмиш...

PSS. Кейинги пайтда Марс ҳақида гаплар кўпайиб қолди...

@bobur_bobomurod Ochish/sharhlash

2021-02-12 05:13:45 #saboq

ОСМОНЛАР ВА ЕРЛАР ҲАҚИДА СЎЗ

Аллоҳ субҳанаҳу ва таоло ҳамма нарсадан илгари бир гавҳарни яратди. Бу гавҳарга ҳайбат назари билан қараган эди, у эриб кетди. Эриб сув бўлган гавҳардан ерни яратди. Сув устига тушгач, у кўпикланди. У кўпикдан тутун кўтарилди, у тутундан кўкни яратди. Ул сув Аллоҳ таолонинг ҳайбатидан қайнаб кўпикланди. Ул кўпикдан Каъбанинг ўрнича ерни яратди.
Шундан кейин осмонларни яратишга киришди. (Оятдан) «Сўнг осмон томонга юзланди ва уларни етти қават осмон қилиб яратди».
Осмонларни яратиб бўлгандан кейин аввалда яратилган ерни машриқдан мағрибгача ёзиб текислади. (Оятдан) «Ва ерни ундан кейин тўшади».
Бу ерлар ва осмонлар бир қават эди, қудрати билан осмонни ердан айирди, ҳар қайсилари етти қаватдан бўлди. (Оятдан) «Аллоҳ шундай зотки, у етти осмонни яратибдур ва ерлардан ҳам шунчани».
Бу етти ер устида сувлар яратилди. У ерларни ушлаб турмоқ учун тоғларни улар устига қозиқ қилиб яратди.

Аллоҳ таоло бутун оламни олти кунда яратди. (Оятдан) «Батаҳқиқ, Биз осмонларни, ерни ва уларнинг ўрталаридаги бор нарсаларни олти кунда яратдик».
Хабарда келтирилишича,
Якшанба куни осмонларни яратди;
Душанба куни ойни, қуёшни, юлдузларни яратиб, фалак ичида тургизди;
Сешанба куни қуш-қумирсқаларни, фаришталарни яратди;
Чоршанба куни сувларни яратди, шамолларни, булутларни чақирди, дарахтларни, ўт-ўланларни ундирди, ризқ-насибаларни улашди;
Пайшанба куни жаннат, дўзахни, раҳмат ва азоб фаришталарини, ҳурларни яратди;
Жума куни Одамни яратди;
Шанба куни ҳеч нарса яратмади.

Бу ҳамма нарсаларни ва яна минглаб нарсаларни кўз очиб юмгунча яратгувчи қудрати бор эди. Шунинг учун олти кунда яратдики, бунда бандаларига таълим бор эди: «Мен қодир бўлсам-да шошилиб қилмасман», деган. Расулуллоҳ (соллаллоҳу алайҳи васаллам) деди: «Шошилиш шайтоннинг иши ва шошилмаслик Раҳмоннинг ишидур».

«Қиссаси Рабғузий»дан.

PS. Аллоҳ муборак жума куни хайру баракотидан ҳаммамизни баҳраманд айласин.

@bobur_bobomurod Ochish/sharhlash

2021-02-11 08:25:45 http://t.me/bobur_bobomurod

ҚАЛБИМ ИҚРОРИ

Ақлимнинг айтганин қилмайман нега?!
Чеҳрамга сипони илмайман нега?!
Сўз уқмас юракни тилмайман нега?!
Биламан – севаман, билмайман – нега?!.

“Ярашмас” деманглар – ишқни билмаслар,
Ҳолимдан кулманглар – дардни бўлмаслар.
Жонимга тўймаслар, жонга тўлмаслар,
Биламан – севаман, билмайман – нега?!.

Булбуллар тинганда – боққа кирдим-а,
Дил гули синганда – меҳр кўрдим-а.
Сочга оқ инганда – кўнгил бердим-а...
Биламан – севаман, билмайман – нега?!.

Қўлимда эмасдир, кўнглимда шароб,
Нимани истайман – ҳаммаси сароб.
Айлар лек мастликмас, ҳушёрлик хароб,
Биламан – севаман, билмайман – нега?!.

Мен яша олмадим ҳамма қатори,
Шу эрур қалбимнинг ҳалол иқрори.
Муҳаббат – жонимдир, боримнинг бори,
Биламан – севаман, билмайман – нега?!.

БОБУР БОБОМУРОД

2021 йил, 11-февраль. 08:50. Ochish/sharhlash

2021-02-10 09:07:13 #anons

Янги қўшиқ! Яхши чиққан! Тавсия қиламан! Нодирбекка омад!

PREMYERA! "MAVJUDA"!
Singer: @nodir_zaitoff
Lyrics: @boburbobomurod
Aranjment: @jamshidsodiqov
Sound enginner: @behzod_ubaydullayev
Composer: @nodir_zaitoff Ochish/sharhlash

2021-02-10 06:58:13 #anons

"Тошкент" телеканалида "Гап чиқди" ток-шоуси. Айни дамда жонли эфир. Мавзу: Қалин пули машмашаси

@bobur_bobomurod Ochish/sharhlash

2021-02-09 14:46:08 http://t.me/bobur_bobomurod

#Alisher_Navoiy_580_yoshda

Бугун 2021 йил 9-февраль соат 19:00да бошланадиган "Sevimli" TVнинг "Маҳаллада дув-дув гап" кўрсатуви Алишер Навоий юбилейига бағишланди. Ochish/sharhlash