Davlat xizmatini rivojlantirish agentligi | АРГОС

Бир қатор лойиҳалар тақдимот қилинди

Республика Маънавият ва маърифат маркази, "Маърифат" тарғиботчилар жамияти ҳамда қатор ташкилотлар ҳамкорлигида Касаба уюшмаси саройида тадбир ташкил этилди.

Тадбир аввалида "Маънавият сектори" лойиҳаси тақдимоти бўлиб ўтди.

Шундан сўнг, спектакль намойиш этилди. Асар Туркистонда бир неча мактаблар очилишига сабабчи бўлган, биринчи ўзбек драматурги Маҳмудхўжа Беҳбудий, Абдулла Авлоний ва миллий уйғониш ҳаракатининг яна бир намояндаси Абдулҳамид Чўлпон ҳаётига бағишланган.

Каналга уланиш — t.me/argos_uz

Фаолият ва натижа: Булоқбошида масъул кадрларнинг самарадорлиги таҳлил қилинди

Аҳоли муаммоларини аниқлаш ва ҳал этиш, “маҳалла еттилиги” тизими ходимларининг иш фаолияти самарадорлигини ўрганиш мақсадида Республика ишчи гуруҳи Булоқбоши туманидаги маҳаллаларда бўлди. Шунингдек, ҳоким ўринбосарлари фаолияти натижалари ҳам жойларга чиқиб ўрганилди.

Муҳокама йиғилишида Президент ҳузуридаги Давлат хизматини ривожлантириш агентлиги раҳбарияти, Камбағалликни қисқартириш ва бандлик бош бошқармаси, Ўзбекистон маҳаллалари уюшмаси вилоят бошқармаси раҳбарияти ва вакиллари иштирок этди.

Иш фаолиятида йўл қўйилган камчиликлар муҳокама қилинди.

Давлат фуқаролик хизматчилари меҳнат фаолиятини энг муҳим самарадорлик кўрсаткичлари (ЭМСК) билан баҳолашнинг аҳамияти тушунтирилди.

Давлат хизмати олдида турган энг асосий мақсад — халқ розилигини олиш, турмушини янада фаровон қилиш. Кадрларга аҳоли муаммолари билан манзилли ишлаш, фаолиятда тизимли натижадорликка эришиш, саломатликни асраш бўйича муҳим тавсиялар берилди. Пировардида эришиладиган натижалар ҳақида фикр-мулоҳазалар алмашилди.

#Андижон

Каналга уланиш — @argos_uz

#Халқаро_ҳамкорлик

Хитойнинг камбағалликни қисқартириш, қишлоқ хўжалиги, барқарор ривожланиш ва шаҳарларни бошқариш бўйича тажрибаси ўрганилмоқда

Президент ҳузуридаги Давлат хизматини ривожлантириш агентлиги Давлат бошқаруви академияси билан ҳамкорликда Миллий кадрлар захирасига киритилган номзодлардан иборат бир гуруҳ давлат хизматчилари учун Хитойга 5 кунлик хорижий стажировка дастурини ташкил этди.

Айни дамда Дастур иштирокчилари Хитойнинг Чэнгду шаҳрида бўлиб турубди. У ерда барқарор иқтисодий ва ижтимоий ривожланиши, аҳоли бандлигини таъминлаш, уларнинг турмуш тарзини яхшилаш, хизмат кўрсатиш соҳасини рақамлаштиришга доир Хитой тажрибаси ўрганилмоқда.

Шунингдек, Дастур доирасида делегация аъзолари Сичуань провинциясининг Иқтисодий ҳамкорлик бюроси, Қишлоқ хўжалигини ривожлантириш департаменти ва бошқа катор ташкилотларда бўлишади. Чэнгду шаҳрининг иқтисодий юксалиши билан боғлиқ объектларга ташриф буюрадилар.

Стажировка дастури жорий йилнинг 20 майига қадар давом этади.

Каналга уланиш — @argos_uz