2024-05-24 06:46:09
Ajoyib bir tush ko’ribman, uyg’onib ketdim…
O’zi nasib qildirdi, bugun tushumda onamni ko’rdim. Ora-orada tushlarimda mehmon bo’lib turadilar, har doim juma kuni ko’raman, tong vaqtiga yaqin qolganida keladilar.
Bugun bir ajoyib suhbat qilibmiz:
Tushimda onam bilan birga doktorga boribmiz va qandaydir tashxisdan keyin onam menga qarab “O’g’lim, doktorni aytishicha men yurolmaydigan bo’lib qolaman ekan, oyoqlarim ishlamay qolarkan” dedilar, keyin men o’ylanib o’tirmay “Ona, butun umr yelkamda ko’tarib yurishga tayyorman, yonimda duo qilib, hayot bo’lsangiz bas” debman…
Shu suhbatdan keyin onam erkalab peshonamdan o’pdilar va biroz sayr qildik, keyin uyg’onib ketdim.
Eng katta xulosam shunda-ki, siz ota yoki onangizni yo’qotganingizdan keyin “qani endi ular tirik bo’lsalar… Qo’l-oyoqlari ishlamay, faqat imo-ishora bilan yashaydigan bo’lganida ham boshimda ko’tarib yurardim, bor imkonim bilan xizmatini qilardim” deb qolasiz ekan…
Lekin, tiriklik vaqtlarida bularni anglab yetish va ularni qadrini bilib, tushunish hammaga ham nasib qilmas ekan…
Xulosa o’zingizdan! Afsus qilib qoladiganlardan bo’lmang. Xabar oling, yaxshi ko’rishingizni ayting.
@anvarovsblog
12.0K views03:46