2022-05-29 12:51:22
OAV xabar qilishicha, 15 yoshli somalilik qiz Misrda taksi to'xtatibdi. Taksist ozroq yurgach, mashinasi buzilganini bahona qilib, panaroqda to'xtabdi-da, qizni zo'rlamoqchi bo'libdi. Qiz taksistni o'ldirib, o'zini politsiyaga topshiribdi.
Voqeani o'rgangan prokuratura qizga qarshi jinoiy ish ochmay, uni sudsiz ozod qilibdi!
Anchadan beri o'qiganim eng yaxshi xabarlardan biri bo'ldi bu.
Ulashishim sababi esa, bu voqeada hamma uchun ibrat bor:
Avvalo, muslimalar bundan ibrat olsinlar. Ozroq bo'lsa ham o'zini himoya qilish, nomusi uchun jang qila olishni o'rgansinlar.
Qolaversa, otalar va akalar uchun ibrat: oilangizdagi ojizalarga o'zlarini, nomuslarini himoya qilishni o'rgating! O'zim himoya qilib olaman, demang. Alloh biladi qancha umringiz qolgan. Alloh himoya qilib oladi, demang. Barcha narsa Allohning irodasi bilan bo'ladi va Alloh taolo dunyo ishlarini sabablarga bog'lab, bizni sabablarga buyurgan. Qizlaringiz va singillaringizni jasur, kuchli qilib tarbiyalang, zero sahobiyalar shunday bo'lganlar.
Bu ishda hukumat va organ xodimlari uchun ibrat bor. Eronda bir necha yil oldin sodir bo'lgan voqeani eslang. O'zini himoya qilib, nomusiga tegmoqchi bo'lgan erkakni o'ldirishga majbur bo'lgan muslimani Eron sudi osib o'ldirishini qarang, Misrning tutgan yo'lini qarang! Albatta musulmonchilik ham, o'zbekchilik ham, adolat ham, qonun ham ikkinchi yo'lni tanlashga chaqiradi.
Bu ishda qalbida marazi bor, fosiqlar uchun ham ibrat bor. Badbaxt 15 yoshli qizning qo'lida nomardlarcha o'lib ketdi. Dunyoda sharmanda bo'lgani, oilasiga ummon bilan yuvsa ketmaydigan sharmandalik olib kelgani yetmaganidek, Allohga yo'liqishi buzuq niyat va harom ish ustida joni olingan holda bo'ldi. Qanday ham hunuk oqibat bu!
MahmudUsmon
@ansor1m
176 views09:51