꯭Аҳли Сунна

2022-07-09 19:12:15 #МУТОЛАА_ВАҚТИ

Бу маслаҳат ва суриштирувлардан кейин Фахри коинот (с.а.в.) масжидда жамоатга қарата бундай хитоб этдилар:
— Эй инсонлар! Баъзиларга нима бўлди ўзи?! Тап тортмай менга оилам ҳақида азият ва жафо етказяптилар?! Оилам ҳақида нотўғри гапларни гапириб юрибдилар. Мен оилам ҳақида фақат яхшилик биламан, ёмонлик ва фасодни билмайман. Кейин, бу ишни шундай бир одам ҳақида сўйлаяптиларки, мен ундан фақат яхшилик кўрганман. Уйимга кирган бўлса, мутлақо мен билан бирга кирган.

Авс қабиласи раиси Усайд ибн Ҳузайр ўрнидан турди:
— Ё Набийаллоҳ, сизни хафа қилган бу одамлар Авс қабиласидан бўлса, бизга маълум қилинг, дарҳол таъзирини берайлик. Агар биродарларимиз бўлмиш ҳазражликлардан бўлса, уларга ҳам керакли дарсни бериб қўяйлик.

Ҳазраж қабиласининг раиси Саъд ибн Убода ўрнидан турди:
— Бекорларни айтибсан, уларни ўлдиролмайсан. Ҳам бу гапни сен уларнинг Ҳазраждан эканини билганинг учун айтдинг. Агар сенинг қабилангдан бўлишса эди, бу гапларни айта олмас эдинг! — дея бақирди.

Бу разилликларни қилганлар ўз қабиласидан эканини билатуриб, Саъд бин Убоданинг индамаганини нима деса бўлади?!
— Аслида, бўлмағур гапларни айтаётган сенсан, эй мунофиқ! Бу ерда туриб олиб мунофиқларни ҳимоя қила бошладинг!

Бу сўзлар масжиднинг ичида ва Фахрул мурсалийн жанобимизнинг ҳузури саодатларида катта тортишувнинг бошланишига сабаб бўлди. Агар Расулуллоҳ орага кириб, икки томонни тинчлантирмасалар, эски кунларда бўлгани каби қиличлар қинидан суғурилиши муқаррар эди.

Масжидда очилган бу масала ўша жойда қайтадан ёпилди.

Аҳмад Лутфий Қозончи “Саодат асри қиссалари” Ochish/sharhlash

2022-07-09 18:20:39 #Ҳадис

ҚАРЗИ ЧИРОЙЛИ ҚИЛИБ ҚАЙТАРИШЛИК.

Абу Ҳурайра розияллоҳу анҳудан ривоят қилинади: «Бир одамнинг Расулуллоҳ соллаллоҳу алайҳи васалламда ҳақи бор эди. Ўша одам у Зотга қўполлик қилди. Саҳобалар унга (ѐмонлик) қасд қилиб қолдилар. Шунда у зот: «Уни тек қўйинглар. Ҳақ эгасининг гапи бўлади. Унга (туяси) ѐшидагини сотиб олиб беринглар», дедилар. Улар: Биз унинг ѐшидан яхшироқ ѐшдан бошқасини топа олмаяпмиз», дейишди. «Ўшани сотиб олиб унга беринглар. Албатта, сизнинг яхшиларингиз қарзини гўзал адо этувчиларингиздир», дедилар».

(Бешовлари ривоят қилишган).

Шарҳ:

Пайғамбаримиз соллаллоҳу алайҳи васаллам бир аъробийдан туя қарз олган эдилар. Ҳалиги одам келиб, аъробийлар одати бўйича қарзини у зотдан қўполлик билан сўради. Шунда саҳобаи киромлар у беодобнинг танобини тортиб қўймоқчи бўлдилар. Аммо Пайғамбаримиз соллаллоҳу алайҳи васаллам бунга йўл бермай, саҳобаларга унга тегмасликни амр қилдилар. Ҳақ эгасининг гапиришга ҳақи бор, дедилар ва унга озор бериш ўрнига, унинг ҳақини яхшилаб қайтариш, қарзга берган туясига ўхшаш туя сотиб олиб бериш кераклигини таъкидладилар. Бошқа ривоятларда айтилишича, қарзга олинган туя учта тиши чиққан туя экан. Пайғамбар соллаллоҳу алайҳи васалламнинг ходимлари Абу Рофеъ розияллоҳу анҳу бориб унга ўхшаш туя топа олмайдилар. Тўртта тиши чиққан туя бор экан, шунинг хабарини берибдилар. Пайғамбаримиз соллаллоҳу алайҳи васаллам ана ўша тўртта тишли туяни сотиб олиб, ҳалиги аъробийга беришни амр қилдилар ва: «Албатта, сизнинг яхшиларингиз қарзини гўзал адо этувчиларингиздир», дедилар». Шунинг учун бировдан қарз олган одам уни ўз вақтида, ўзидан ҳам афзал этиб қайтаришга ҳаракат қилиши керак. Чунки қарз берувчи муҳтож бўлиб турган пайтида ноқулай ҳолатдан чиқишига ѐрдам берган, ўз фойдасидан кечиб, унга яхшилик қилган одам. Унинг яхшилигини унутмаслик, ўрнида қайтариш лозим. Оғир пайтда ҳожатини чиқариб олиб, кейин қарзини бермай юриш инсофсизлик ҳисобланади.

Манба: Ҳадис ва Ҳаёт 11 Ochish/sharhlash

2022-07-09 17:14:46 Ochish/sharhlash

2022-07-09 17:11:44 Ochish/sharhlash

2022-07-09 16:22:29 Umar ibn Xattob roziyallohu anhu
6-qism Ochish/sharhlash

2022-07-09 15:53:20 Hikmat! Ochish/sharhlash

2022-07-09 15:52:05 Ochish/sharhlash

2022-07-09 13:08:47 Abu Hanifa rahmatullohu alayh davriga kelib havorijlar hammaga takfir berib yarim ummatni kufrda bid'atda ayblashdi. Ular uchun Iymon shartlari qalb til va amal bilan iymonli hisoblardi. Ular biz qalbini bilmaymiz,tilida LA ilaha illaolloh bo'lsa ham amalida… Ochish/sharhlash

2022-07-09 13:01:27 Iymonning lug'aviy ma'nosi
tasdiqlash,ishonish Ochish/sharhlash

2022-07-09 10:38:13 #Ҳадис


Набий соллаллоҳу алайҳи васалламни шамоиллари.

21-БОБ. РАСУЛУЛЛОҲ СОЛЛАЛЛОҲУ АЛАЙҲИ ВА САЛЛАМ ЎТИРИШЛАРИ ҲАҚИДА КЕЛГАН РИВОЯТЛАР (Унда 3 та ҳадис бор: )

Шарҳ.

Бу бобда Расулуллоҳ соллаллоҳу алайҳи ва саллам ўтиришлари ҳолати билан боғлиқ ривоятлар келтирилган.

Қайла бинти Махрама розияллоҳу анҳодан ривоят қилинишича, у Расулуллоҳ соллаллоҳу алайҳи ва салламни масжидда кўрган экан. Ўшанда у зот орқаларини ерга қўйиб, сонларини қоринларига тираб, оёқларини қўллари билан қучоқлаган ҳолда ўтирган эдилар. Қайла айтади: “Мен Расулуллоҳ соллаллоҳу алайҳи ва саллам ўта хокисорлик билан ўтирганларини кўриб, қўрқувдан титраб кетдим”.

Шарҳ.

Қайла бинти Махрама розияллоҳу анҳо Пайғамбаримиз алайҳиссаломни масжидда кўрганида у зот ноодатий ҳолатда эдилар: орқаларини ерга қўйиб, сонларини қоринларига тираб, қўллари билан оёқларини маҳкам қучоқлаган ҳолда (Яна бир гуруҳ аҳли илмларга кўра, тиззаларини ерга қилиб, худди ташаҳҳудда ўтирган кишидек, қоринларини сонларига тақаб, икки қўлларини қўлтиқларига қилиб) ўтиргандилар. Устига-устак қўрқув аломати кўриниб турганди. Қайла бу ҳолатдан саросимага тушди, баданини титроқ босди. Чунки бирон кор-ҳол юз бердимикан, деб ўйлаганди.

(Имом Термизий ривояти)

Манба: "Шамоили Муҳаммадийя" Ochish/sharhlash