![]()
![]()
![]()
![]()
![]()
![]()
ЯНГИ ҲОСИЛ ЎРИГИ ЭКСПОРТИ БОШЛАНДИ.
East-Fruit.com 2023 йилнинг 17 мартида Ўзбекистоннинг энг жанубий маъмурий-ҳудудий бирлиги – Сурхондарё вилояти Термиз туманида жойлашган плантацияларда ўрикнинг яшил мевалари шакллангани ҳақида ёзган эди. Орадан тахминан бир ой ўтгач, худди шу ҳудуддан янги ҳосил ўрикларининг экспорти ҳам бошланди.
Сурхондарё вилояти Термиз тумани ҳокимлиги матбуот хизмати хабарига кўра, «SPN Humoagrо” масъулияти чекланган жамиятига қарашли умумий майдони 58 гектарлик ўрик плантацияларида ўрикнинг “Прициа”, “Рубиста” ва «Микадо» каби эртаги навлари пишиб етилди. Айни пайтда ушбу плантацияларда кунига 10 тоннага яқин ўрик йиғиб олиниб, ички ва ташқи бозорга жўнатиляпти.
East-Fruit.com таҳлилчиларининг қайд этишича, бу йил Ўзбекистондан сархил ўрик экспорти мавсуми апрель ойи ўрталарида, ўтган йилгидан тахминан ўн кун аввал бошланди. 2023 йилнинг 20 апрель ҳолатига кўра, 80 тоннадан ортиқ сархил ўрик ташқи бозорларга экспорт қилинган.
Эслатиб ўтамиз, East-Fruit.com пойтахт супермаркетларида ўрикнинг янги ҳосили нархи тез тушиб кетгани ҳақида ёзган эди. Ушбу янгилик Ўзбекистон пойтахти супермаркетларида жорий йилнинг 11 апрелида 115 минг сўм/кг ўртача чакана нархда сотувга чиққан ва атиги бир ҳафтадан сўнг ушбу маҳсулот нархи 35 минг сўм/кг, яъни, 3,3 баробар пасайган.
AGROBLOGER канали:
@agrobloger
