ШУ КУНЛАРДА ТОМОРҚАГА ҚАНДАЙ ЭКИН ЭККАН МАЪҚУЛ?Май ойининг 25-санасидан июнь ойининг 20-санасигача кўчатидан экиладиган помидор, ширин қалампир ёки бақлажон экилади. Уларни етиштиришда экиш учун тайёрланган эртапишар навлар кўчатларининг бўйи 16-20см гача, 6-8 та чинбарги бўлган кўчатлар экилади. Кўчатлар тутиб олгач, 10-12 кундан сўнг, уларга 1-ишлов берилади.
Чопиқни 75 кг суперфосфат ва 15 кг калий, жами 90 кг минерал ўғит солиниб, 12-14 см чуқурликда, кўчатлар атрофлари билан енгил юмшатилади. 1-ишловдан 13-15 кун ўтгандан кейин ўсимлик суғорилади. 2-ишлов бериш ер етилиши билан 15-16 см чуқурликда ўсимлик атрофидаги бегона ўтлардан йўқотиш учун яхшилаб чопиб чиқилади.
Тупроқ таркиби, ер ости суви чуқурлигига кўра, ўсимликлар ёппасига гуллаш даврида 9-10 кун оралатиб, кейинчалик ҳосил тугиш даврида 6-7 кун оралатиб суғорилади.
Пишиш даври 90-110 кунни ташкил этади. Бунда ҳосил август ойининг учинчи ўн кунлигидан сентябрь ойининг биринчи ўн кунлигигача териб олинади.
Яқинларга ҳам улашинг.
Агро ҳаёт — сизга энг яхшиларини илинамиз!
Бизни кузатиб боринг:
Telegram Instagram TikTok YouTube
