#9_aprel_Amir_Temur_tavallud_kuni #Апрель_буюк_алломалар_мерос | Маънавий-маърифий канал Абдулла Орипов ижод мактаби
#9_aprel_Amir_Temur_tavallud_kuni
#Апрель_буюк_алломалар_меросини_ўрганиш_ойлиги
9-aprel - Amir Temur tavalludining 687 yilligi munosabati bilan Sohibqiron Amir Temur markazlashgan milliy davlatchilik asoschisi g'oyasi asosida o'quvchilarda mustaqillikni qadrlash, xalqparvarlik, adolatparvarlik va bunyodkorlik tuyg'ularini tarbiyalash maqsadida Abdulla Oripov nomidagi ijod maktabining o'quvchilari va o'qituvchilari Shahrisabz shahriga sayohat qilishdi.
Ijod maktabi jamoasi dastavval bugungi kunga butun dunyo sayyohlarini hayratlantirib kelayotgan Oqsaroy majmuasida bo'ishdi, bu yerdagi Shahrisabz muzey qo'riqxonasi, Oqsaroy inshooti, Amir Temur haykali bilan yaqindan tanishishdi.
O'z navbatida, Dor-ul-tilovat majmuasi, masjid, Amir Temur va otalarining piri bo'lgan Shayx Shamsiddin Kulol maqbarasi, Gumbazi Sayyidon majmualari ziyorat qilindi.
Ayniqsa, o'quvchilar va ularning ustozlari "Amir Temur va temuriylar davri - ibrat maktabi" mavzusida avstraliyalik sayyohlar bilan ingliz tilida Amir Temur va temuriylar davri tarixi, madaniyati, ularning dunyo taraqqiyoti hamda sivilizatsiyasiga qo'shgan hissasiga doir suhbat xorijlik sayyohlarda ulkan taassurot qoldirdi.
Amir Temurning otalari Tarag'ay Bahodir va to'ngich farzandi Jahongir qabrlari ziyorat qilindi.
Tarix o'qituvchisi Ravshan Xolov tomonidan o'quvchilarga Temur va temuriylar davri, tashrif qilingan maskanlar tarixi bo'yisha batafsil ma'lumotlar berildi.
Ta'kidlash joiz, mazkur sayohat o'quvchilarning nafaqat tarix, balki adabiyot, siyosat, madaniyat va ma'naviyat, bunyodkorlik sohalaridagi bilimlarini yanada mustahkamlagani bilan ahamiyatli bo'di.
Bizni ijtimoiy tarmoqlarda kuzatib boring
|telegram| web sayt| facebook| youtube |Instagram
