Фаросат туркумидан Ҳижобдаги аёл, йўлда кетар экан ва этагини | Зулфия Махмуд
Фаросат туркумидан
Ҳижобдаги аёл, йўлда кетар экан ва этагини бир тарафини кўтариб, оёқларини бемалол кўрсатиб ўтар экан... ўша аёл билмайдими кетида иштони йўқлигини? Кийим кўтарилганда сезмайдими, оёқлари кўринаётганини? Тўсатдан кўриниб қолмаяти-ку, унинг оёқлари... у ўзи шуни хоҳлаб кўрсатяпти-ку. Шу энди узрга кирадими?
Ҳижобдаги аёл, кенг енгли кийимда кетяпти. Қўлини салгина кўтарса ҳам, енги қўлтиғигача сидирилиб тушади. Аёл билмайдими, ўша енгни юқоригача кўтарилиб кетишини? Билади! Нега эҳтиётини қилиб чиқмайди унда? Нега ўша енгни тушиб кетишини олдини олиб юрмайди? У ўзи шуни хоҳлайди. У енг бир марта эмас, аслида неча марта шундай кўтарилиб кетган. Лекин у парво қилмайди. Шу энди узрга кирадими?
Ҳижобдаги аёл, иштон киймай кўчага чиқди. Шамол сабаб этаги кўтарилиб кетди ёки бошқа бир сабаб... Айб шамолда эмас... Айб аёлда... Бу нарса унда биринчи бор такрорланмаяпти. Ҳар доим такрорланади. Лекин у барибир билганидан қолмайди. Шу энди узрга кирадими?
Исломдаги аёл, ташқарига чиқар экан, ўзини эҳтиётини маҳкамлаб чиқиши керак эмасми? Ёки... ҳар бир ҳаракат, ҳолат узрга кириб кетаверадими?
Анча йиллар аввал бир воқеани эшитган эдим. Тошкентда бир ҳижобдаги аёлни мошина уриб кетади. Аёлга ёрдамга келганлар, унинг ҳижоби белигача кўтарилиб кетган ва белидан пастда ички кийимидан бошқа ҳеч нарсаси бўлмаганини кўрадилар. Бу ўз-ўзини шарманда қилиш эмасми? Энди шу аёлники ҳам узрлими?
Ҳа, айтгандай... мен ниқобга қарши эмасман! Мен ниқоб тақиб олиб тор кийинганларга, юпқа кийинганларга, юзида ниқоб, кетида иштони йўқ масхарабозларга қаршиман. Бундай ҳаракатларда Исломни камситиш ва яна Исломни камситиш туради! Ва яна бир нарса, ҳижобга қаршилик қилган, ўзи умуман Аллоҳнинг амрларига қаршилик қилган фосиқ бўлмайди! Билмасангизлар шуни яхшилаб билиб олинглар, у инсон биратўласига кофир бўлади!
Аввалги ҳижоб ҳақидаги постни қўйишимдан мақсад, бу тўғрида жуда-жуда кўп гаплар келиб тушгани сабаб бўлган эди. Постдан мақсад, чала-яримларнинг модаси, тўлиқ Исломдагиларга тош бўлиб тегаётганидан огоҳлантириш эди, холос...
Зулфия Махмуд
t.me/zulfiyamaxmudova
