Психологни йиғлатганлар! Эрта қариб, вояга етмаган болал | Zebiniso Ahmedova — psixolog blogi
Психологни йиғлатганлар!
Эрта қариб, вояга етмаган болалар ва қаригандаям бола бўлган инсонлар ҳусусида!
Ёнида ишонган ота-онаси яқинлари бўлмаган болалар - тирик етимлар эрта кунда қарияга айланишар экан. Баъзан ёнида ота-онаси булсаям бола ўзини етим деб ҳис қилиши мумкин экан. Агар бола ўз ота-онасига ишонмаса, бола ўзига нисбатан жавобгарликни ўз буйнига оларкан. Агар ота ичиб келиб, ўз боласини калтакласа, тепса, ёмон гаплар билан сўкинса, бола ўзига бу ота-онани олиб қололмас экан, ишониб ўзини топшира олмас экан. Шу кундан бошлаб, боланинг қарилик гаштини суриши бошланаркан. Бола ҳудди қариялардек ҳеч нарсага қизиқмайдиган, бемақсад ва ҳолсиз бўларкан. Болалар футбол уйнашса, бу бола қўшнининг гуваласини ташиб беришни ва пул ишлашни ўйларкан.
3 ёшли укасини олиб колган 7 ёшли ўғил онасини кечки сменага кузатаётганида эрта қариб коларкан. Чунки уч ёшли болага қараш учун аввало катта бўлиб оларканда. Онаси кетганида ичиб келган отани уйга киргазишни ҳам, киргазмасликни ҳам билмай бутун подъезд эшитадиган сўкинишлардан уввос солиб, ич-ичидан йиғларкан ва қариб қоларкан. Сенларни деб умрим хазон бўлди, деб болаларини айблаганида яна бир марта қарияга айланаркан. Эр-хотин урушаётганида синглисининг кулоғига пахта тиқиб қўйиб, яна бир марта кексаликни ўз зиммасига оларкан бола.
Шу пайтда яшаб қолиши учун, қалбан болалигидан воз кечаркан, видолашаркан. Эр-хотин урушмаслиги учун ўзини касалга солиб, ҳақиқий касал бўларкан ва яна бир кексайиб улғаяркан. Онасининг жахлидан тушиши учун ўз елкасини калтакка тутиб бераркан ва улғаяркан етимдек бўлиб қолган фарзанд... Оиласи шармандалигини яшириб, менинг отам институтни кизил дипломга битирганлар, деб мақтанаркан ва бу билан шу отани яна бир бора оталикдан ўчираркан. Онасини бошқа эркак билан келганини синглисидан ҳам яшириб кексаяркан ўғил, онасидан воз кечолмай ўзидан воз кечаркан ўғил!
_Тирик етим, кекса доно ўғлимооо....
Тирик етим, кекса момо кизгинамоооо.....
Болангизнинг болалигини ўғирламанг!
_ 25-июнь 2016-й. Зебинисо Аҳмедова
Психологдан Консультация олиш учун, Ваҳима, қўрқув, ёпишқоқ фикр, хавотир ва невротик депрессияларда бизга мурожаат қилинг!
Тел: +998908055580
Тел: +998909444612
Каналга уланиш:
» @ZebinisoPsixolog
Барча хизматлар:
» @ZebinisoAhmedova
INSTAGRAM саҳифа
instagram.com/psixomeduz
